ശബരിമല സ്വര്‍ണ മോഷണത്തിലെ നിര്‍ണായക രേഖകള്‍ മാറ്റിഎന്ന് കണ്ടെത്തൽ , സ്മാര്‍ട്ട് ക്രിയേഷനിൽ നിന്ന് രേഖകള്‍ ഒന്നും കണ്ടെത്താൻ കഴിഞ്ഞില്ല . ദേവസ്വം ബോര്‍ഡ് യോഗം ഇന്ന് ചേരും

തിരുവനന്തപുരം:ശബരമിലയിലെ സ്വർണ മോഷണത്തെ കുറിച്ച്  എസ്ഐടി അന്വേഷണം വളരെ  ശക്തമായി നടക്കുന്നതിനിടെ തിരുവിതാംകൂർ ദേവസ്വം ബോർഡ് യോഗം ഇന്ന് ചേരാൻ തീരുമാനിച്ചു .

പ്രതി പട്ടികയിൽ ഉൾപ്പെട്ട അസിസ്റ്റന്‍റ് എഞ്ചിനീയർ കെ സുനിൽകുമാറിനെതിരെ യോഗം നടപടി എടുത്തേക്കും.

2019 ൽ അഡ്മിനിസ്റ്ററേറ്റീവ് ഓഫിസറായിരുന്ന മുരാരി ബാബുവിനെ നേരത്തെ സസ്പെൻഡ് ചെയ്തിരുന്നു.

പ്രതി പട്ടികയിൽ ഉള്ള ഇവർ രണ്ടു പേര് മാത്രമാണ് നിലവിൽ സർവീസിലുള്ളത്. വിരമിച്ച ഉദ്യോഗസ്ഥര്‍ക്കെതിരെയടക്കം നടപടിയെടുക്കുമെന്ന് നേരത്തെ വ്യക്തമാക്കിയിരുന്നു.

വിരമിച്ചവരുടെ പെൻഷൻ അടക്കമുള്ള ആനൂകൂല്യം തടയുന്ന കാര്യത്തിലടക്കം യോഗം ചര്‍ച്ച ചെയ്തേക്കും.

ഇതിനിടെ, സ്വർണം പൂശിയതുമായി ബന്ധപ്പെട്ട പല നിർണായക രേഖകളും സ്മാർട്ട്‌ ക്രിയേഷനിൽ കണ്ടെത്താൻ അന്വേഷണ സംഘത്തിന്  കഴിഞ്ഞിട്ടില്ല.

 ഇവ കടത്തി കൊണ്ടുപോയെന്നാണ് അന്വേഷണ സംഘം സംശയിക്കുന്നത്. ഇതുസംബന്ധിച്ച് കൂടുതൽ അന്വേഷണം നടത്താനാണ് നീക്കം.

അന്വേഷണഘട്ടത്തിൽ വളരെയധികം സഹായകരമാകേണ്ടിയിരുന്ന സുപ്രധാന രേഖകൾ ആണ് കണ്ടെത്താൻ കഴിയാതെ വന്നത് .ഇത് വളരെയധികം ആശങ്കയുളവാക്കുന്ന ഒരു കാര്യം തന്നെയാണ് .