വിയ്യൂരിൽ പോലീസിന്റെ പിടിയിൽ നിന്നും രക്ഷപ്പെട്ട കുപ്രസിദ്ധ ഗുണ്ട ബാലമുരുകന്റെ ദൃശ്യങ്ങൾ പുറത്തു വന്നു

 തൃശൂർ: വിയ്യൂരിൽ നിന്നും പോലീസിന്റെ പിടിയിൽ നിന്നും  രക്ഷപ്പെട്ട കുപ്രസിദ്ധ ഗുണ്ട ബാലമുരുകന്റെ സിസിടിവി ദൃശ്യങ്ങൾ പുറത്ത് വന്നു .

ആലത്തൂരിലെ ഹോട്ടലിൽ നിന്നും ഭക്ഷണം കഴിച്ചശേഷംകൈവിലങ്ങ് ധരിക്കാതെ   പുറത്തേക്കിറങ്ങുന്ന ബാലമുരുകന്റെ ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത് .

ഭക്ഷണം കഴിക്കുന്നതിനായി  കൈവിലങ്ങ് അഴിച്ചുമാറ്റിയിരുന്നു എന്ന തമിഴ്‌നാട് പൊലീസിന്റെ മൊഴി ഒട്ടും തന്നെ വിശ്വാസ്യ യോഗ്യമല്ല .

വെള്ള മുണ്ടും മഞ്ഞയിൽ കറുത്ത കള്ളികളും ഉള്ള ഷർട്ട് ആണ് ബാലമുരുകൻ ധരിച്ചിരുന്നത്. ഹോട്ടലിൽ ഭക്ഷണം കഴിക്കാനായിട്ടാണ് കൈവിലങ്ങ് അഴിച്ചതെന്നാണ് തമിഴ്‌നാട് പൊലീസ് പറയുന്നത്.

കുപ്രസിദ്ധ കുറ്റവാളിയായ ബാലമുരുകനെ തമിഴ്‌നാട് പൊലീസ് വളരെയധികം സഹായിച്ചിരുന്നു എന്നുള്ള  ആക്ഷേപം വളരെ  ശക്തമാണ്.ഇത്തരം കാര്യങ്ങൾ തെളിയിക്കുന്ന ദൃശ്യങ്ങളാണ് ഇപ്പോൾ പുറത്തു വന്നിരിക്കുന്നത് .

അതേസമയം, വിയ്യൂർ ജയിലിന് സമീപം പാടൂക്കാടുവെച്ച് പുലർച്ചെ രണ്ടരയോടെ പൊലീസ് ബാലമുരുകനെ കണ്ടിരുന്നുവെന്നാണ് റിപ്പോർട്ട്.

സൈക്കിളിൽ വരികയായിരുന്ന ബാലമുരുകൻ പൊലീസിനെ കണ്ടതോടെ സൈക്കിൾ ഉപേക്ഷിച്ച് ഓടിരക്ഷപ്പെടുകയായിരുന്നു.

നഗരത്തിലും സമീപ ജില്ലകളിലും ബാലമുരുകനായി വ്യാപക തിരച്ചിൽ തുടരുകയാണ്.

കേരളത്തിലേയും തമിഴ്നാട്ടിലേയും കൊലപാതകം, മോഷണം ഉൾപ്പെടെ 53 കേസുകളിൽപ്രതിയായ  ബാലമുരുകൻ‌ 2023 സെപ്റ്റംബർ 24 മുതൽ വിയ്യൂരിലെ അതീവ സുരക്ഷാ ജയിലിലായിരുന്നു .

പൊലീസിനെ ആക്രമിച്ച് ഇയാൾ നേരത്തേയും ജയിൽ ചാടിയിട്ടുണ്ട്.

 തമിഴ്നാട്ടിൽ തെളിവെടുപ്പിനു ശേഷം വിയ്യൂരിലേക്ക് കൊണ്ടു വരുമ്പോൾ തമിഴ്നാട് പൊലീസിനെ വെട്ടിച്ചാണ് ഇയാൾ രക്ഷപ്പെട്ടത്.