/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/12/06/T3zQdH117r8qyhQDm1vu.PNG)
പിണറായിയുടേത് ഭരണകൂട ഭീകരതയെന്ന് അന്വര്
നിലമ്പൂര് ഫോറസ്റ്റ് ഓഫീസ് ഡിഎംകെ പ്രവര്ത്തകര് തകര്ത്ത സംഭവത്തില് പി വി അന്വര് എംഎല്എ അറസ്റ്റില്. അന്വറിന്റെ ഒതായിയിലെ വീട്ടിലെത്തിയാണ് നിലമ്പൂര് പൊലീസ് അറസ്റ്റ് രേഖപ്പെടുത്തിയത്. പിണറായി വിജയന്റേത് ഭരണകൂട ഭീകരതയെന്ന് പി വി അന്വര് മാധ്യമങ്ങളോട് പ്രതികരിച്ചു.
മുഖ്യമന്ത്രിയെ വെല്ലുവിളിച്ചുകൊണ്ടായിരുന്നു പിവി അന്വറിന്റെ ആദ്യപ്രതികരണം. പുറത്തിറങ്ങിയാല് കാണിച്ചുതരാമെന്നായിരുന്നു മുന്നറിയിപ്പ്. മുഖ്യമന്ത്രിയുടെ നിര്ദേശ പ്രകാരമാണ് അറസ്റ്റെന്നും അന്വര് വിമര്ശിച്ചു. മോദിയേക്കാള് വലിയ ഭരണകൂട ഭീകരതയാണ് പിണറായി വിജയന് നടപ്പാക്കുന്നത്. എത്ര കൊലക്കൊമ്പന്മാരാണ് ഇവിടെ ജാമ്യത്തില് കഴിയുന്നത്. ആരെയും അറസ്റ്റ് ചെയ്യുന്നില്ലല്ലോ. ഇതെല്ലാം പിണറായിയുടെ വാക്കില് ചെയ്യുന്നതാണ്. കൊള്ള നടത്തിയിട്ടോ കൊല നടത്തിയിട്ടോ അല്ല എന്നെ കൊണ്ടുപോകുന്നതെന്നും അന്വര് കുറ്റപ്പെടുത്തി. ജനങ്ങള്ക്ക് പ്രതിഷേധിക്കാന് അവകാശമില്ലേ. കേരളത്തിലെ പൊലീസിന്റെ കളളത്തരങ്ങള് ജനങ്ങളോട് പറഞ്ഞതോടെയാണ് ഞാന് പിണറായിക്കെതിരായത് മോദിക്കെതിരെ പറയുന്ന പിണറായി അതിനേക്കാള് വലിയ ഭരണകൂട ഭീകരത നടപ്പാക്കുന്നുവെന്നും അന്വര് പ്രതികരിച്ചു.
നിലമ്പൂര് സിഐ സുനില് പള്ളിക്കലിന്റെ നേതൃത്വത്തിലുള്ള സംഘമാണ് പി വി അന്വറിന്റേ വീട്ടിലെത്തി അറസ്റ്റ് രേഖപ്പെടുത്തിയത്. വന് പൊലീസ് സന്നാഹവുമായിട്ടാണ് നേതൃത്വം അന്വറിന്റെ വീട്ടിലെത്തിയത്. നിലമ്പൂര് ഫോറസ്റ്റ് ഓഫീസ് ഡിഎംകെ പ്രവര്ത്തകര് തകര്ത്ത സംഭവത്തിലാണ് പൊലീസ് നടപടി. പി വി അന്വര് ഉള്പ്പടെ 11 ഓളം പേര്ക്കെതിരെയാണ് പൊലീസ് കേസെടുത്തിരിക്കുന്നത്. കൃത്യനിര്വഹണം തടസ്സപ്പെടുത്തല്, പൊതു മുതല് നശിപ്പിക്കല് അടക്കമുള്ള വകുപ്പുകള് പ്രകാരമാണ് കേസ്. പി വി അന്വറാണ് കേസിലെ ഒന്നാം പ്രതി.
കാട്ടാനയാക്രമണത്തില് യുവാവ് മരിച്ച സംഭവത്തിലായിരുന്നു ഡിഎംകെ പ്രവര്ത്തകര് നിലമ്പൂര് ഫോറസ്റ്റ് ഓഫീസിലേക്ക് പ്രതിഷേധം നടത്തിയത്. പി വി അന്വര് എംഎല്എയുടെ നേതൃത്വത്തിലായിരുന്നു പ്രതിഷേധം. പ്രതിഷേധക്കാര് നിലമ്പൂര് ഫോറസ്റ്റ് ഓഫീസ് അടിച്ചുതകര്ക്കുകയും ചെയ്തിരുന്നു.