.സ്വർണവിലകുതിച്ചുയരുന്നു.പവൻവില 89,480 രൂപ  ഇതുവരെ കൂടിയത് 32,600 രൂപ;തിളക്കമേറി സ്വർണവ്യാപാരം

 
കൊച്ചി: സ്വർണവില ഓരോ ദിവസവും പുതിയ റെക്കോഡുകൾ തീർത്ത് മുന്നേറുകയാണ്. തൊട്ടാൽ പൊള്ളുന്ന രീതിയിലാണ് വിലവർധന.

പവൻവില ഒരു ലക്ഷം രൂപ എന്ന മാന്ത്രിക സംഖ്യയിലേക്കുള്ള കുതിപ്പിലാണ് നിലവിലെ കുതിപ്പ് തുടർന്നാൽ അടുത്തുതന്നെ ഒരു ലക്ഷം മറികടന്നേക്കാം.

ചൊവ്വാഴ്ച പവന് 920 രൂപ കൂടിവില 89,480 രൂപയിലെത്തി. 90,000 രൂപയിലെത്താൻ 520 രൂപയുടെ അകലം മാത്രം. ഗ്രാമിനാകട്ടെ 115 രൂപ കൂടി വില 11.185 രൂപയുമായി. വെറും ഒരാഴ്ചകൊണ്ട് പവന് 3,360 രൂപയാണ് കൂടിയത്.

 18 കാരറ്റ് സ്വർണ്ണം പവന് 73,600 രൂപയിലെത്തി.

അന്താരാഷ്ട്ര വിപണിയിലെ പ്രതിസന്ധിയാണ് ആഭ്യന്തര വിപണിയിലുംവില ഉയർത്തിയത്.പവന് വിലയിൽ ഈ വർഷം ഇതുവരെയായി 32,600 രൂപയാണ് ഉയർന്നത്. 2024 ഡിസംബർ31 ന് 56,880 രൂപയായിരുന്നു പവൻവില.

വില ഉയരുന്നത് ദീപാവലി, കല്യാണവിപണികളെ ബാധിക്കാൻ സാധ്യത ഏറെയാണ്.
ഒരുപവൻ ആഭരണത്തിന്
നിലവിലെ വിലയായ 89,480 രൂപയുടെ കൂടെ കുറഞ്ഞ പണിക്കൂലിയായ അഞ്ച് ശതമാനവുമ മൂന്ന് ശതമാനം ജിഎസ്ടിയും ഹാൾമാർക്കിങ് നിരക്കും ചേരുമ്പോൾ ഒരു പവൻ ആഭരണം വാങ്ങാൻ 96,830 രൂപയെങ്കിലും കൊടുക്കണം.

 എന്നാൽ 10 ശതമാനം പണിക്കൂലിയിൽ ആഭരണം വാങ്ങുമ്പോൾ വില ഒരു ലക്ഷം രൂപയ്ക്കു മുകളിലെത്തും.
വെള്ളിയിലും  തിളക്കം
വെള്ളിവിലയും മുന്നേറുകയാണ്. ചൊവ്വാഴ്ച ഗ്രാമിന് ഒരു രൂപ കൂടി വില 161 രൂപയായി. സ്വർണവില കുതിക്കുന്ന സാഹചര്യത്തിൽ വെള്ളി ആഭരണളിലേക്കും ഉപഭോതാക്കൾ നീങ്ങുകയാണ്.