ഭൂപതിവ് ചട്ടങ്ങളിൽ മാറ്റംവരുത്തി സർക്കാർ;ഇടുക്കിയിലെ ജനങ്ങൾക്കുള്ള ഓണസമ്മാനമെന്ന് റോഷി അഗസ്റ്റിൻ.

ഭൂപതിവ് ചട്ടങ്ങളിൽ മാറ്റം കൊണ്ട് വന്നിരിക്കുകയാണ് സംസ്ഥാന സർക്കാർ. ഇത് മലയോര മേഖലയിലെ ജനങ്ങൾക്കുള്ള ഓണസമ്മാനമായി കരുതാമെന്ന് മന്ത്രി റോഷി അ​ഗസ്റ്റിൻ.ആറ് പതിറ്റാണ്ടായി ജനങ്ങൾ അനുഭവിച്ച ദുരിതത്തിനാണ് സർക്കാർ പരിഹാരം കണ്ടെത്തിയിരിക്കുന്നത്. ഒരു തരത്തിലും ജനങ്ങൾക്ക് ദോഷമുണ്ടാകാത്ത തരത്തിൽ പഴുതുകൾ അടച്ച് ചട്ടങ്ങൾ രൂപപ്പെടുത്തണം എന്നുള്ളത് കൊണ്ട് കാല താമസം നേരിട്ടതെന്നും മന്ത്രിപറഞ്ഞു. തിരഞ്ഞെടുപ്പ് വാ​ഗ്ദാനമായിരുന്നു ഈ ചട്ട നിർമ്മാണത്തിലൂടെ പാലിക്കപ്പെട്ടതെന്നും റോഷി അ​ഗസ്റ്റിൻ പറഞ്ഞു.