സർക്കാർ സേവനങ്ങൾ ഇനി നമ്മുടെ കേരളം ആപ്പിലൂടെ ലഭ്യമാകും

തിരുവനന്തപുരം:  ജനങ്ങൾക്ക് സർക്കാർ സേവനങ്ങൾ എളുപ്പത്തിലും സുതാര്യമായും ലഭിക്കാൻ നമ്മുടെ കേരളം എന്ന പേരിൽ ഏകീകൃത മൊബൈൽ ആപ്പും വെബ്‌പോർട്ടലും സജ്ജമായി.

ജനന-മരണ-വിവാഹ സർട്ടിഫിക്കറ്റുകൾ റവന്യൂ സർട്ടിഫിക്കറ്റുകൾ, വിവിധ ലൈസൻസുകൾ, ക്ഷേമപെൻഷനുകൾ എന്നിവയ്ക്കായി ഇനി മുതൽ ഈ ഒറ്റ പ്‌ളാറ്റ്‌ഫോം മാത്രം മതിയാകും.

വിവിധ സർക്കാർ ഓഫീസുകളും യൂട്ടിലിറ്റി ബില്ലുകളും ആപ്പിലൂടെ നേരിട്ട് അയയ്ക്കാം. ഉദ്യോഗസ്ഥരുമായി  സംസാരിക്കാൻ അപ്പോയ്ന്റ്‌മെന്റ് ബുക്ക് ചെയ്യാനും അഴിമതിയോ സാമൂഹികപ്രശ്‌നങ്ങളോ ശ്രദ്ധയിൽപ്പെടുത്താനുമുള്ള സൗകര്യമുണ്ട്.

അടിയന്തര സാഹചര്യങ്ങൾക്കായി എസ്.ഒ.എസ്.സംവിധാനവും ഉയർന്ന ഡാറ്റാ സുരക്ഷയും ഉറപ്പാക്കിയിട്ടുള്ള ഈ സേവനം ആൻഡ്രോയിഡ്, ഐ.ഒ.എസ്. പ്‌ളാറ്റ്‌ഫോമുകളിലും വെബ് പോർട്ടലായും പൊതുജനങ്ങൾക്കു പ്രയോജനപ്പെടുത്താം.