കേരളത്തിന്റെ വികസനപരിപാടികളുമായി സർക്കാർ ,ലക്ഷ്യം നവകേരളം ;ജനങ്ങൾക്ക് പറയാനുള്ളത് കേൾക്കുമെന്നും മുഖ്യമന്ത്രി

തിരുവനന്തപുരം : വ്യത്യസ്ത തരത്തിലുള്ള വൈവിധ്യമാർന്ന നവകേരള വികസന ക്ഷേമ പരിപാടിയുമായി സർക്കാർ മുന്നോട്ട്.

പദ്ധതി സംസ്ഥാനത്തിന്റെ പുരോഗതിക്ക് പുതിയ കരുത്ത് സമ്മാനിക്കുമെന്ന് മുഖ്യമന്ത്രി പിണറായി വിജയൻ.

സംസ്ഥാനത്താകെ സന്നദ്ധ സേനാംഗങ്ങൾ ജനങ്ങളുടെ അടുത്തെത്തി പഠനം നടത്തും. ജനങ്ങൾക്ക് പറയാനുള്ളത് കേട്ട് അഭിപ്രായങ്ങള്‍ ശേകരിക്കുലകയും  അതിന്റെ അടിസ്ഥാനത്തിൽ പഠന റിപ്പോർട്ട് തയ്യാറാക്കുകയും ചെയ്യും .

 നാടിന്റെ വികസനത്തിനുള്ള രൂപരേഖ ഇതിലൂടെ തയാറാക്കുമെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.

നവകേരള നിർമ്മിതിയിൽ ഏറെ മുന്നേറാൻ സർക്കാരിനായെന്നും മുഖ്യമന്ത്രി പറഞ്ഞു. ജനുവരി ഫെബ്രുവരി മാസങ്ങളിൽ വീടുകൾ തോറും വിവര ശേഖരണ നടത്തും, അത് ക്രോഡീകരിച്ച റിപ്പോർട്ട് ശുപാർശ സഹിതം സമർപ്പിക്കും. വാർഡുകൾ തോറും വീടുകൾ കയറിയാണ് വിവരശേഖരണ നടത്തുക,

 ഇനിയുള്ള നാളുകളിൽ സഹായകമായ ബൃഹത്തും സമഗ്രവുമായ ഒരു പഠന പദ്ധതിയ്ക്ക് സംസ്ഥാന സര്‍ക്കാര്‍ തുടക്കം കുറിക്കുകയാണെന്നും മുഖ്യമന്ത്രി വ്യക്തമാക്കി.

നവകേരളം സിറ്റിസണ്‍ റെസ്പോണ്‍സ് പ്രോഗ്രാം എന്ന പേരില്‍ നടപ്പാക്കുന്ന ഈ നവകേരള വികസനക്ഷേമ പഠന പരിപാടി കേരളത്തിന്‍റെ പുരോഗതിയ്ക്കും വികസനത്തിനും പുതിയ കരുത്തും ദിശാബോധവും സമ്മാനിക്കുമെന്ന് സുനിശ്ചിതമാണെന്നും മുഖ്യമന്ത്രി പറഞ്ഞു .