സംസ്ഥാനത്ത് കനത്ത മഴ തുടരും; ഇന്ന് 10 ജില്ലകളിൽ ഓറഞ്ച് അലർട്ട്,നാലിടത്ത് യെല്ലോ മുന്നറിയിപ്പ്

കോഴിക്കോട്: സംസ്ഥാനത്ത് മഴ ശക്തമായ തുടരുമെന്ന് കേന്ദ്ര കാലാവസ്ഥ വകുപ്പ്. ഇന്ന് എല്ലാ ജില്ലകളിലും മഴ മുന്നറിയിപ്പുണ്ട്. 10 ജില്ലകളിൽ ഓറഞ്ച് അലർട്ടും നാലിടത്ത് യെല്ലോ അലർട്ടുമാണ് പ്രഖ്യാപിച്ചിരിക്കുന്നത്. കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് ഓറഞ്ച് അലർട്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലാണ് മഞ്ഞ അലർട്ട്.

അടുത്ത മൂന്ന് മണിക്കൂറിൽ തിരുവനന്തപുരം, കൊല്ലം, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ഒറ്റപ്പെട്ടയിടങ്ങളിൽ മിതമായ മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് ദുരന്തനിവാരണ വിഭാഗത്തിന്റെ മുന്നറിയിപ്പുണ്ട്.

നാ​ലു ദി​വ​സ​മാ​യി തു​ട​രു​ന്ന മ​ഴ​യി​ൽ സം​​​സ്ഥാ​​​ന​​​ത്ത് വ്യാ​​​പ​​​ക നാ​​​ശ​​​ന​​​ഷ്ടമാണ് സംഭവിച്ചിരിക്കുന്നത്. ബു​ധ​നാ​ഴ്ച മൂ​ന്ന് പേ​ർക്കാണ് മഴക്കെടുതിയിൽ ജീവൻ നഷ്ടമായത്.അ​ടി​മാ​ലി​യി​ൽ ശ​ക്ത​മാ​യ മ​ഴ​യി​ൽ തോ​ട്​ മു​റി​ച്ചു ക​ട​ക്കു​ന്ന​തി​നി​ടെ മ​ല​വെ​ള്ള​പ്പാ​ച്ചി​ലി​ൽ​പെ​ട്ട് യു​വാ​വ് മ​രി​ച്ചു. താ​ളും​ക​ണ്ടം കു​ടി​യി​ലെ ഊ​രു​മൂ​പ്പ​ൻ സു​രേ​ഷ് മ​ണി​യു​ടെ മ​ക​ൻ സു​നീ​ഷ് സു​രേ​ഷാ​ണ്​ (21) മാ​ങ്കു​ളം താ​ളും​ക​ണ്ട​ത്ത്​ കൈ​ത്തോ​ട്ടി​ൽ വീ​ണ് മ​രി​ച്ച​ത്.

പാ​ല​ക്കാ​ട് ജി​ല്ല​യി​ലെ ആ​ല​ത്തു​രി​ൽ ക​ഴി​ഞ്ഞ​ദി​വ​സം ചീ​നാ​മ്പു​ഴ​യി​ൽ കാ​ണാ​താ​യ മു​തു​കു​ന്നി ആ​ണ്ടി​ത​റ പു​ത്ത​ൻ വീ​ട്ടി​ൽ രാ​ജേ​ഷി​ന്റെ (42) മൃ​ത​ദേ​ഹം ക​ണ്ടെ​ത്തി. ആ​ല​പ്പു​ഴ​യി​ൽ ക​ന​ത്ത മ​ഴ​യി​ൽ മ​രം വീ​ണ്​ പ​രി​ക്കേ​റ്റ്​ ചി​കി​ത്സ​യി​ലി​രു​ന്ന ആ​ൾ​ മ​രി​ച്ചു. ആ​ല​പ്പു​ഴ ആ​റാ​ട്ടു​വ​ഴി​ ​മൈ​ഥി​ലി ജ​ങ്​​ഷ​നി​ൽ വാ​ട​ക​ക്ക്​ താ​മ​സി​ക്കു​ന്ന പ​വ​ർ​ഹൗ​സ്​ വാ​ർ​ഡ്​ സി​യ മ​ൻ​സി​ലി​ൽ ഉ​നൈ​സാ​ണ്​​ (മു​ന്ന-30) മ​രി​ച്ച​ത്. ഇന്നലെയും മിനിഞ്ഞാന്നുമായി മഴക്കെടുതിയിൽ സം​സ്ഥാ​ന​ത്ത് 12 മ​ര​ണ​ങ്ങ​ളാ​ണ് റി​പ്പോ​ർ​ട്ട് ചെ​യ്ത​ത്.