വയനാട് ജില്ലയില്‍ നാളെയും അവധി

കനത്ത മഴയെ തുടര്‍ന്ന് വയനാട് ജില്ലയില്‍ നാളെയും വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു.പ്രൊഫഷണല്‍ കോളജുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും അവധി ബാധകമാണ്., വയനാട്ടിൽ 2,305 പേരെയാണ് ഇതുവരെ ദുരിതാശ്വാസ ക്യാമ്പിൽ പ്രവേശിപ്പിച്ചത്. ദേശീയപാതയിൽ വെള്ളം കയറിയതിന് തുടർന്ന് മുത്തങ്ങ വനത്തിൽ അകപ്പെട്ടുപോയ 500 ഓളം പേരെ പുലർച്ചയോടെ പൊലീസും ഫയർഫോഴ്സ് വനം വകുപ്പ് ഉദ്യോഗസ്ഥർ ചേർന്ന് രക്ഷപ്പെടുത്തിയിരുന്നു. കനത്ത മഴയ്ക്കിടെയായിരുന്നു പൊലീസിൻ്റെയും ഫയർ ഫോഴ്സിൻ്റെയും രക്ഷാ ദൗത്യം. കെഎസ്ആര്‍ടിസി ബസുകൾ, ലോറികൾ, കാറുകൾ ഉൾപ്പെടെയുള്ള നിരവധി വാഹനങ്ങളിലായി അഞ്ഞൂറോളം പേരാണ് വനമേഖലയിൽ ഉണ്ടായിരുന്നത്. ഇവരെയാണ് അതിസാഹസികമായി രക്ഷപ്പെടുത്തിയത്