എഴുത്തിടം യൂണിറ്റിന്റെ ഉദ്ഘാടനവും വിശിഖം മാസികയുടെ പ്രകാശനവും നടത്തി

കൊച്ചി : ചേരാനല്ലൂർ പണ്ഡിറ്റ് കറുപ്പൻ സ്മാരക ഗ്രാമീണ വായനശാലയിലെ എഴുത്തുകാരുടെ  
കൂട്ടായ്മയായ എഴുത്തിടത്തിൻ്റെ ഉദ്ഘാടനവും വായനശാല പ്രസിദ്ധപ്പെടുത്തുന്ന വിശിഖം മാഗസിൻ്റെ പ്രകാശനവും നടന്നു. വായനശാല ഹാളിൽ സംഘടിപ്പിച്ച ചടങ്ങിൽ . കണയന്നൂർ താലൂക്ക് ലൈബ്രറി കൗൺസിൽ പ്രസിഡൻ്റ്   എ.കെ. ദാസ്    ഉദ്ഘാടനം  ചെയ്തു. തുടർന്ന് മാഗസിന്റ  പ്രകാശനവും നിർവ്വഹിച്ചു. എഴുത്തിടം ജനറൽ കൺവീനർ  സുഗുണൻ ചൂർണ്ണിക്കര അദ്ധ്യക്ഷത വഹിച്ചു. കവിയും മാധ്യമ പ്രവത്തകനുമായ  ഷാജി ഇടപ്പള്ളി, വായനശാല പ്രസിഡൻ്റ്  റാഫേൽ ഇമ്മാനുവൽ  ,  കൃഷ്ണകുമാർ .ടി .യു  എന്നിവർ പ്രസംഗിച്ചു. മല്ലിക വി ആർ  സ്വാഗതവും രാഹുൽ രാജ് നന്ദിയും പറഞ്ഞു.