കണ്ണൂർ എ ഡി എം ആയിരുന്ന നവീൻ ബാബു വിടവാങ്ങിയിട്ട് ഇന്നത്തേക്ക് ഒരു വർഷം

പൊതു വേദിയിൽ ഉള്ള പരസ്യമായ വിമര്‍ശനത്തിലും അധിക്ഷേപ വാക്കുകളിലും  മനംനൊന്ത് കണ്ണൂര്‍ എഡിഎം ആയിരുന്ന നവീന്‍ ബാബു വിടവാങ്ങിയിട്ട് ഇന്ന് ഒരു വര്‍ഷമായി.

യാത്രയയപ്പ് യോഗത്തില്‍ ജില്ലാ പഞ്ചായത്ത് പ്രസിഡന്‍റായിരുന്ന പി പി ദിവ്യ നടത്തിയ അധിക്ഷേപ  പ്രസംഗമാണ് മരണത്തിലേക്ക് നയിച്ചതെന്നാണ് കുടുംബം ഇപ്പോഴും പറയുന്നത്.

അതിരുവിട്ട കുത്തുവാക്കുകൾ   , ഒരു ഉദ്യോഗസ്ഥന്‍റെ മരണവും, രാഷ്ട്രീയ നേതാവിന്‍റെ പതനവും ഒരു കുടുംബത്തിന്റെ പ്രതീക്ഷകളും സന്തോഷവുമാണ്  ബാക്കിയാക്കിയത് .

2024 ഒക്ടോബര്‍ 14 ന് വൈകീട്ട് നാലുമണിക്ക് സ്ഥലംമാറിപോകുന്ന കണ്ണൂര്‍ എഡിഎം നവീന്‍ ബാബുവിന് റവന്യു ഉദ്യോഗസ്ഥരുടെ യാത്രയയപ്പിലേക്കാണ് ക്ഷണമില്ലാതെ ജില്ലാപഞ്ചായത്ത് പ്രസിഡന്‍റ് പിപി ദിവ്യ എത്തിയതും അധിക്ഷേപ പ്രസംഗം നടത്തിയതും തുടർന്ന് അദ്ദേഹം സ്വയം മരണത്തിലേക്ക് ആഴ്ന്നിറങ്ങിയതും .

 രാത്രി 8.45 ന് മലബാര്‍ എക്സ്പ്രസില്‍ ചെങ്ങന്നൂരിലെ വീട്ടിലേക്ക് പോകേണ്ട നവീന്‍ ബാബു, കണ്ണൂര്‍ റയില്‍വെ സ്റ്റേഷന് സമീപത്ത് എത്തിയെങ്കിലും ട്രയിന്‍ കയറിയില്ല.

പിറ്റേന്ന് രാവിലെ ഏഴുമണിക്ക് പള്ളിക്കുന്നിലെ ക്വാട്ടേഴ്സില്‍ ഡ്രൈവര്‍ എത്തിയപ്പോള്‍ കണ്ടത് നവീന്‍ ബാബുവിനെ തൂങ്ങിമരിച്ച നിലയിലാണ്. യാത്രയയപ്പ് യോഗത്തിലെ അധിക്ഷേപ പരാമര്‍ശം അപ്പോഴേക്കും നാടെങ്ങും പടര്‍ന്നിരുന്നു.
നവീൻബാബു വിടവാങ്ങി ഇന്നേക്ക് ഒരു വർഷമാകുമ്പോൾ ഒപ്പം നിന്നവർക്ക് മാത്രം നന്ദിയെന്നും കുടുംബത്തിൽ പോലും ഭിന്നിപ്പ് ഉണ്ടാക്കാനുള്ള ശ്രെമങ്ങൾ നടന്നിരുന്നുവെന്നും നീതിക്ക് വേണ്ടി വളരെയധികം പോരാടുമെന്നും നവീന്റെ കുടുംബം അഭിപ്രായപ്പെട്ടു .

കേസ് അട്ടിമറിക്കാനുള്ള എല്ലാ രീതിയിലും ഉള്ള സ്വാധീനങ്ങൾ നടക്കുന്നുണ്ട് എന്നും കുടുംബം പറയുന്നു