വെള്ളാപ്പള്ളിയുടെ വ്യക്തി അധിക്ഷേപത്തിനെതിരെ മറുപടിയുമായി കെ ബി ഗണേഷ്‌കുമാർ രംഗത്ത് .പക്വതയും സംസ്കാരവും ഇല്ലാത്ത രീതിയിൽ ഉള്ള പ്രതികരണമാണ് തനിക്കെതിരെ നടത്തിയതെന്നും വിമർശനം

പക്വതയും സംസ്കാരവും ഇല്ലാത്തരീതിയിലുള്ള വളരെ തരംതാഴ്ന്ന വ്യക്തി അധിക്ഷേപമാണ് തനിക്കെതിരെ വെള്ളാപ്പള്ളി നടത്തിയതെന്നും ഗണേഷ്‌കുമാർ പറഞ്ഞു .കടുത്ത വിമർശനാത്മകമായ രീതിയിൽ ആണ് ഗണേഷ്‌കുമാർ മറുപടി നൽകിയിരിക്കുന്നത് .

author-image
Devina
New Update
kbbbbbbbbbbbbbb

തൃശ്ശൂര്‍: എസ്എൻഡിപി യോ​ഗം ജനറൽ സെക്രട്ടറി വെള്ളാപ്പള്ളി നടേശൻ്റെ വിവാദപരമായ വ്യക്തി അധിക്ഷേപ  പരാമർശത്തിനെതിരെ കടുത്ത  മറുപടിയുമായി ഗതാ​ഗത വകുപ്പ് മന്ത്രി കെ ബി ​ഗണേഷ്കുമാർ രംഗത്തെത്തി .

അവരവരുടെ സംസ്കാരം അനുസരിച്ചായിരിക്കും ഒരോരുത്തരുടേയും പ്രതികരണമെന്നാണ് കെ ബി ഗണേഷ് കുമാർ പറഞ്ഞത് .

വെള്ളാപ്പള്ളിയുടെ ലെവൽ അല്ല തന്‍റെ ലെവൽ.

പക്വതയും സംസ്കാരവും ഇല്ലാത്തരീതിയിലുള്ള വളരെ തരംതാഴ്ന്ന വ്യക്തി അധിക്ഷേപമാണ് തനിക്കെതിരെ വെള്ളാപ്പള്ളി നടത്തിയതെന്നും ഗണേഷ്‌കുമാർ പറഞ്ഞു .

താൻ ആ രീതിയിൽ താഴാൻ ആഗ്രഹിക്കുന്നില്ലന്നും അദ്ദേഹം വെളിപ്പെടുത്തി . വെള്ളാപ്പള്ളിയുടെ മോശം ഭാഷ വെള്ളാപ്പള്ളിയുടെ സംസ്കാരമാണ്.

ആ സംസ്കാരത്തിലേക്ക് താഴാൻ താനില്ല. വെള്ളാപ്പള്ളിക്ക് മറുപടി ഇല്ലെന്നും ഗണേഷ് കുമാർ മാധ്യമങ്ങളോട് പ്രതികരിച്ചു മന്ത്രി കെ ബി ​ഗണേഷ്കുമാറിനെതിരെ ​ഗുരുതര പരാമർശങ്ങളാണ് എസ്എൻഡിപി യോ​ഗം ജനറൽ സെക്രട്ടറി വെള്ളാപ്പള്ളി നടേശൻ ഉന്നയിച്ചത്. ​

ഗണേഷ് കുമാർ അഹങ്കാരത്തിന് കൈയും കാലും വെച്ചവനാണെന്നും കുടുംബത്തിന് പാര പണിതവനാണെന്നും സരിതയെ ഉപയോഗിച്ച് മന്ത്രി സ്ഥാനം നേടിയ ആളാണ് ഗണേഷ് കുമാറാണെന്നും ഇത്തരത്തിലുള്ള വളരെ നിലവാരമില്ലാത്ത രീതിയിലുള്ള വിമർശനങ്ങൾ ആണ്  വെള്ളാപ്പള്ളി  ആരോപിച്ചത് .

 ഇതിനെതിരെ കടുത്ത വിമർശനാത്മകമായ രീതിയിൽ ആണ് ഗണേഷ്‌കുമാർ മറുപടി നൽകിയിരിക്കുന്നത് .