കേരള കേന്ദ്ര സർവകലാശാലയിൽ വിദ്യാർത്ഥിനി മരിച്ച നിലയിൽ

കാസർകോട്: കാസർ​ഗോഡ് പെരിയയിലെ കേരള കേന്ദ്ര സർവകലാശാലയിലെ വിദ്യാർത്ഥിനിയെ മരിച്ച നിലയിൽ കണ്ടെത്തി. ​ഗവേഷക വിദ്യാർത്ഥിനിയായ റൂബി പട്ടേൽ (27) ആണ് മരിച്ചത്. ബിഹാർ സ്വദേശിനിയാണ്. ഹിന്ദി വിഭാഗത്തിൽ പിഎച്ച്‌ഡി വിദ്യാർത്ഥിയായിരുന്നു. 

ചൊവ്വാഴ്ച രാവിലെ ഹോസ്റ്റലിലെ ശുചിമുറിയിൽ തൂങ്ങി മരിച്ച നിലയിൽ കണ്ടെത്തുകയായിരുന്നു. റൂബി പട്ടേൽ ഏറെ നേരമായിട്ടും ശുചിമുറി തുറക്കാതിരുന്നതിനെ തുടർന്ന് സഹപാഠികൾ തള്ളി തുറക്കുകയായിരുന്നു. എന്നാൽ ആത്മഹത്യ ചെയ്യാനുണ്ടായ സാഹചര്യം വ്യക്തമല്ല. ആത്മഹത്യയെന്നാണ് പ്രാഥമിക നിഗമനം. മൃതദേഹം കാഞ്ഞങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി. ഇൻക്വസ്റ്റ് നടപടികൾക്ക് ശേഷം മൃതദേഹത്തിൽ പോസ്റ്റ്‌മോർട്ടത്തിന് അയക്കും. സംഭവത്തിൽ ബേക്കൽ പൊലീസ് അന്വേഷണം ആരംഭിച്ചു.