/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/01/02/mdg58jdQ6C5VcaB1fIxg.jpeg)
രാജ്ഭവനില് നടന്ന ചടങ്ങില് കേരള ഗവര്ണറായി ചുമതലയേല്ക്കുന്ന രാജേന്ദ്ര വിശ്വനാഥ് അര്ലേകറിനു ഹൈക്കോടതി ചീഫ് ജസ്റ്റിസ് നിതിന് മധുകര് ജാംദാര് സത്യവാചകം ചൊല്ലിക്കൊടുക്കുന്നു
തിരുവനന്തപുരം: കേരള ഗവര്ണര് ആയി രാജേന്ദ്ര വിശ്വനാഥ് ആര്ലേക്കര് സത്യപ്രതിജ്ഞ ചെയ്ത് ചുമതലയേറ്റു. രാജ്ഭവന് ഓഡിറ്റോറിയത്തില് നടന്ന ചടങ്ങില് ഹൈക്കോടതി ചീഫ് ജസ്റ്റിസ് നിതിന് മധുകര് ജാംദാര് സത്യവാചകം ചൊല്ലിക്കൊടുത്തു. ബംഗാള് ഗവര്ണര് ഡോ. സി വി ആനന്ദബോസ്, നിയമസഭാ സ്പീക്കര് എ എന് ഷംസീര്, മന്ത്രിമാരായ റോഷി അഗസ്റ്റിന്, കെ കൃഷ്ണന്കുട്ടി, കടന്നപ്പള്ളി രാമചന്ദ്രന്, വി ശിവന്കുട്ടി, ജി ആര് അനില്, പി രാജീവ്, മുഹമ്മദ് റിയാസ്, കെ എന് ബാലഗോപാല്, പ്രതിപക്ഷ നേതാവ് വി.ഡി സതീശന്, എംപിമാരായ ശശി തരൂര്, എ എ റഹിം, എം എല് എ മാരായ കടകംപള്ളി സുരേന്ദ്രന്, വി കെ പ്രശാന്ത്, മുന് കേന്ദ്രമന്ത്രി വി മുരളീധരന്, രാഷ്ട്രീയ, സാംസ്കാരിക, സാമൂഹ്യ രംഗത്തെ പ്രമുഖര് എന്നിവര് പങ്കെടുത്തു.ചുമതലയേറ്റു രണ്ടാഴ്ച കഴിയുമ്പോഴേക്കും ഗവര്ണര് നയപ്രഖ്യാപന പ്രസംഗം നടത്തുന്നുവെന്ന പ്രത്യേകത ഇത്തവണയുണ്ട്. 17ന് ഗവര്ണറുടെ നയപ്രഖ്യാപന പ്രസംഗത്തോടെയാണ് അടുത്ത നിയമസഭാ സമ്മേളനം.