ശ്രദ്ധിക്കാന്‍!, ജലവിതരണം മുടങ്ങും

തിരുവനന്തപുരം: ഉള്ളൂര്‍- കേശവദാസപുരം റോഡില്‍ അഹല്യ കണ്ണാശുപത്രിക്കു മുന്‍പില്‍ കേരള വാട്ടര്‍ അതോറിറ്റിയുടെ 400എം എം പ്രീമോ പൈപ്പില്‍ ഉണ്ടായ ചോര്‍ച്ച അടിയന്തിരമായി പരിഹരിക്കുന്നതിന്റെ ഭാഗമായി ഇന്ന്  രാത്രി 10 മണി മുതല്‍ 16-04-2025 ബുധന്‍ രാവിലെ 10 മണി വരെ പരുത്തിപ്പാറ, കേശവദാസപുരം, പട്ടം,  ഉള്ളൂര്‍, കൊച്ചുള്ളൂര്‍, മെഡിക്കല്‍ കോളേജ്, പട്ടം - ചാലക്കുടി പാലം റോഡ്  ഭാഗങ്ങളില്‍ പൂര്‍ണമായോ  ഭാഗികമായോ ശുദ്ധജലവിതരണം തടസ്സപ്പെടും. ഉപഭോക്താക്കള്‍ ആവശ്യമായ മുന്‍കരുതലുകള്‍ സ്വീകരിക്കേണ്ടതാണെന്ന്  വാട്ടര്‍ അതോറിറ്റി അറിയിച്ചു.