/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/15/pulsar-suni-kalakaumudi-2025-12-15-10-41-47.jpg)
കൊച്ചി: നടിയെ ആക്രമിച്ച കേസില് അപ്പീല് നല്കാന് സര്ക്കാര് അനുമതി. സ്പെഷ്യല് പ്രോസിക്യൂട്ടര് നല്കിയ നിയമോപദേശത്തിന്റെ അടിസ്ഥാനത്തിലാണ് സര്ക്കാര് ഉത്തരവ്. ക്രിസ്മസ് അവധിക്കുശേഷം ഹൈക്കോടതി തുറക്കുമ്പോള് അപ്പീല് നല്കും. ഈ മാസം 12-ാം തീയതിയാണ് നടിയെ ആക്രമിച്ച കേസിലെ വിധി വന്നത്. വിധിക്കെതിരേ ഹൈക്കോടതിയില് അപ്പീല് നല്കുമെന്ന് സര്ക്കാര് നേരത്തേ വ്യക്തമാക്കിയിരുന്നു.
നടിയെ ആക്രമിച്ച കേസില് പള്സര് സുനി ഉള്പ്പെടെ 6 പ്രതികള്ക്കും 20 വര്ഷം കഠിനതടവാണ് എറണാകുളം പ്രിന്സിപ്പല് സെഷന്സ് കോടതി വിധിച്ചത്. പ്രോസിക്യൂഷന്റെയും പ്രതികളുടെയും വാദം കേട്ട ശേഷമാണ് ജഡ്ജി ഹണി എം. വര്ഗീസ് ശിക്ഷ വിധിച്ചത്. എട്ടാം പ്രതിയായിരുന്ന നടന് ദിലീപിനെ കോടതി കുറ്റവിമുക്തനാക്കിയിരുന്നു.
പള്സര് സുനിയെ കൂടാതെ, മാര്ട്ടിന് ആന്റണി, ബി. മണികണ്ഠന്, വി.പി. വിജീഷ്, എച്ച്. സലിം (വടിവാള് സലിം), പ്രദീപ് എന്നിവര് കുറ്റക്കാരാണെന്ന് കോടതി കണ്ടെത്തിയിരുന്നു.
കൂട്ടബലാത്സംഗം ഉള്പ്പെടെയുള്ള കുറ്റങ്ങളാണ് പ്രതികള്ക്കെതിരേ തെളിഞ്ഞിട്ടുള്ളത്. നടിയെ ആക്രമിച്ച് അപകീര്ത്തികരമായ ദൃശ്യങ്ങള് പകര്ത്തിയെന്നകേസില് വിധിവരുന്നത് സംഭവം നടന്ന് എട്ടുവര്ഷത്തിനുശേഷമാണ്.