സിപിഎം ഏരിയാ കമ്മിറ്റിയംഗത്തെ മര്‍ദ്ദിച്ച പൊലീസുകാരനെ സസ്‌പെന്റ് ചെയ്തു

ഇന്നലെ രാത്രിയിലാണ് സംഭവം നടന്നത്. സിപിഎം ഏരിയാ കമ്മിറ്റിയംഗം ടി രാജേഷ് കുമാറിനാണ് മര്‍ദ്ദനമേറ്റത്

author-image
Biju
New Update
hjkk

Konni Police Station

പത്തനംതിട്ട: പരാതിക്കാരനൊപ്പമെത്തിയ സിപിഎം ഏരിയാ കമ്മിറ്റിയംഗത്തെ മര്‍ദ്ദിച്ചെന്ന പരാതിയില്‍ പൊലീസുകാരനെ സസ്‌പെന്റ് ചെയ്തു.  

കോന്നി പൊലീസ് സ്റ്റേഷനിലെ ഡ്രൈവര്‍ രഘുകുമാറിനെയാണ് അന്വേഷണ വിധേയമായി സര്‍വീസില്‍ നിന്ന് സസ്‌പെന്റ് ചെയ്തത്. ഇന്നലെ പരാതി ഉയര്‍ന്നതിന് പിന്നാലെ നടത്തിയ വൈദ്യപരിശോധനയില്‍ രഘുകുമാര്‍ മദ്യലഹരിയിലായിരുന്നുവെന്ന് കണ്ടെത്തിയിരുന്നു.

ഇന്നലെ രാത്രിയിലാണ് സംഭവം നടന്നത്. സിപിഎം ഏരിയാ കമ്മിറ്റിയംഗം ടി രാജേഷ് കുമാറിനാണ് മര്‍ദ്ദനമേറ്റത്. ഒരു പരാതിക്കാരനൊപ്പമാണ് രാജേഷ് കോന്നി പൊലീസ് സ്റ്റേഷനിലെത്തിയത്. പരാതിക്കാരന്‍ 

പൊലീസ് ജീപ്പിന് മുകളില്‍ വെച്ച് പരാതി എഴുതിയതാണ് രഘുകുമാറിനെ പ്രകോപിപ്പിച്ചതെന്നാണ് വിവരം. 
ഇതേത്തുടര്‍ന്നാണ് രഘുകുമാര്‍ ഇരുവര്‍ക്കും നേരെ തിരിഞ്ഞത്. പിന്നാലെ രാജേഷ് കുമാര്‍ കോന്നി താലൂക്ക് ആശുപത്രിയില്‍ ചികിത്സ തേടുകയും രഘുകുമാറിനെതിരെ പരാതി നല്‍കുകയുമായിരുന്നു.