മകള്‍ കൃഷ്ണപ്രിയയെ ബലാത്സംഗം ചെയ്ത പ്രതിയെ കൊലപ്പെടുത്തിയ അച്ഛന്‍ ശങ്കരനാരായണന്‍ അന്തരിച്ചു

മഞ്ചേരിയില്‍ പീഡനത്തിന് ഇരയായി കൊല്ലപ്പെട്ട കൃഷ്ണപ്രിയയുടെ അച്ഛന്‍ മരിച്ചു. 77 വയസ്സുള്ള ചാരങ്കാവ് തെക്കെ വീട്ടില്‍ ശങ്കരനാരായണനാണ് മരിച്ചത്. വാർധക്യസഹജമായ രോഗം മൂലം ഇന്നലെ രാത്രിയോടെ ആയിരുന്നു അന്ത്യം.

2001 ഫെബ്രുവരി ഒന്‍പതിന് സ്‌കൂള്‍ വിട്ടുവരുന്ന വഴി കൃഷ്ണപ്രിയയെ അയല്‍വാസിയായ എളങ്കൂര്‍ ചാരങ്കാവ് കുന്നുമ്മല്‍ മുഹമ്മദ് കോയ പീഡിപ്പിച്ച് കൊലപ്പെടുത്തിയത്‌. തുടര്‍ന്ന് പിടിയിലായ പ്രതിയെ കോടതി ശിക്ഷിച്ചു.

എന്നാല്‍ ജാമ്യത്തിലിറങ്ങിയ പ്രതിയെ 2002 ജൂലായ് 27ന് കൃഷ്ണപ്രിയയുടെ പിതാവ് ശങ്കരനാരായണന്‍ വെടിവച്ചുകൊലപ്പെടുത്തുകയായിരുന്നു.  

അറസ്റ്റിലായെങ്കിലും മതിയായ തെളിവുകളില്ല എന്ന് കാണിച്ച്‌ 2006 മെയ് മാസം ഹൈക്കോടതി  ഇയാളെ വെറുതെ വിടുകയായിരുന്നു.