കോഴിക്കോട് വനമേഖലയിൽ ഉരുൾപൊട്ടി

കോഴിക്കോട്: പൂഴിത്തോട് മാവട്ടം വനമേഖലയിൽ ഉരുൾപൊട്ടി കടന്തറ പുഴയിൽ അമിത ജലപ്രവാഹം. വ്യാഴാഴ്ച പൂഴിത്തോട് അനങ്ങംപാറയുടെ മേൽഭാഗത്ത് വനമേഖലയിലാണ് ഉരുൾപൊട്ടിയത്. 

വൈകിട്ട് 3 മണിക്കാണ് ഉരുൾപൊട്ടിയത്. കടന്തറ പുഴയിൽ വെള്ളം ക്രമാതീതമായി വർധിച്ചു.ഇല്ല്യാനി, മുത്തേട്ട് പുഴകളിലും ജലത്തിന്റെ അളവ് കൂടി. പൂഴിത്തോട് മേഖലയിൽ രാത്രിയിലും മഴ തുടരുകയാണ്. 

പുഴയോരത്ത് താമസിക്കുന്നവർ ജാഗ്രത പുലർത്തണമെന്നും പുഴയിൽ ഇറങ്ങരുതെന്നും ചെമ്പനോട വില്ലേജ് ഓഫിസർ മുന്നറിയിപ്പ് നൽകിയിട്ടുണ്ട്.