ഇവിഎമ്മിൽ മൂന്നാമനെങ്കിലും നിങ്ങളുടെ മനസ്സിൽ ഒന്നാമതാണെന്ന് വിശ്വസിക്കുന്നു: ഷാഫി പറമ്പിൽ

വടകര: ഇന്ത്യയെ വീണ്ടെടുക്കാനുള്ള തെരഞ്ഞെടുപ്പാണിതെന്ന് വടകര യുഡിഎഫ് സ്ഥാനാർത്ഥി ഷാഫി പറമ്പിൽ.പാലക്കാട് വോട്ടിട്ട ശേഷമുള്ള ചിത്രത്തിനൊപ്പം  ഫെയ്സ്ബുക്ക് കുറിപ്പുമായി രംഗത്തെത്തുകയായിരുന്നു വടകരയയിലെ യുഡിഎഫ് സ്ഥാനാർത്ഥി ഷാഫി പറമ്പിൽ.

ഇവിഎമ്മിൽ മൂന്നാമനെങ്കിലും നിങ്ങളുടെ മനസ്സിൽ ഒന്നാമതാണെന്നാണ് വിശ്വാസമെന്നും നിങ്ങളുടെ വോട്ടുകൾക്ക് ഇന്ത്യയെ വീണ്ടെടുക്കുവാനാവട്ടെയെന്നും ഷാഫി ഫെയ്സ്ബുക്കിൽ കുറിച്ചു. വടകരയിലെ സ്ഥാനാർത്ഥി ആണെങ്കിലും, ഷാഫിയുടെ വോട്ട് പാലക്കാടാണ്. അതുകൊണ്ടുതന്നെ രാവിലെ പാലക്കാടെത്തി വോട്ട് രേഖപ്പെടുത്തിയ ശേഷമാണ് അദ്ദേഹം വടകരയിലെത്തിയത്.

ഷാഫി പറമ്പിലിന്റെ ഫെയ്സ്ബുക്ക് പോസ്റ്റിന്റെ പൂർണ്ണ രൂപം

പാലക്കാട് വോട്ട് ചെയ്ത് വടകരയിലേക്കിറങ്ങി എല്ലാം സെറ്റ് അല്ലേ? ഇന്ത്യയെ വീണ്ടെടുക്കുവാനാവട്ടെ നിങ്ങളുടെ വോട്ടുകൾ വടകരയിലെ പ്രിയപ്പെട്ടവരോട്, ഇവിഎമ്മിൽ മൂന്നാമനെങ്കിലും നിങ്ങളുടെ മനസ്സിൽ ഒന്നാമതാണെന്ന് വിശ്വസിക്കുന്നു.