മംഗള വനം പക്ഷി സങ്കേതത്തിന്റെ ഗെയ്റ്റില്‍ നഗ്നമായ നിലയിൽ അജ്ഞാത മൃതദേഹം

കൊച്ചി: മംഗള വനം പക്ഷി സങ്കേതത്തിലെ ഗെയ്റ്റില്‍ അജ്ഞാത മൃതദേഹം കണ്ടെത്തി. കേന്ദ്ര സമുദ്ര മത്സ്യഗവേഷണ സ്ഥാപനത്തിന്റെ ഗെയ്റ്റിലെ കമ്പി ശരീരത്തില്‍ തുളഞ്ഞു കയറിയ നിലയിലാണ് മധ്യവസ്‌കന്റെ മൃതദേഹം കണ്ടെത്തിയത്. മൃതദേഹം നഗ്‌നമാണ്. പൊലീസ് സ്ഥലത്തെത്തി.

പത്തടിയോളം ഉയരമുള്ള ഗെയ്റ്റിനു മുകളില്‍ കമ്പി തുളഞ്ഞു കയറി തൂങ്ങിയ നിലയിലാണ് മൃതദേഹം കിടക്കുന്നത്. നഗരത്തിൽ അലഞ്ഞു തിരിഞ്ഞു നടക്കുന്ന തമിഴ്നാട് സ്വദേശിയാണെന്നാണ് പ്രാഥമിക നിഗമനം. ഹൈക്കോടതിയുടെ പിൻവശത്തായുള്ള മംഗളവനത്തിന്റെ ഭാഗത്ത് ആളുകളുണ്ടെങ്കിലും രാത്രിയായാൽ ഇവിടെ ഗേറ്റ് അടയ്ക്കും അതിനാൽ സന്ദർശകർക്ക് പ്രവേശനമില്ല.

സുരക്ഷാ ജീവനക്കാരാണ് മൃതദേഹം കണ്ടത്. ഇവര്‍ പൊലീസിനെ അറിയിക്കുകയായിരുന്നു.ശരീരത്തിൽ മറ്റു മുറിവുകളില്ല.ഇയാൾ ധരിച്ചിരുന്ന പാന്റ് സമീപത്തുനിന്ന് കണ്ടെത്തിയിട്ടുണ്ട്.ഗെയ്റ്റ് കയറി കടക്കാനുള്ള ശ്രമത്തില്‍ സംഭവിച്ചതാണോ മറ്റു ദുരൂഹതകളുണ്ടോ എന്നു പൊലീസ് അന്വേഷിക്കുന്നു. അര്‍ധ രാത്രിയിലാണ് സംഭവം നടന്നത് എന്നാണ് വിവരം.ഫോറൻസിക് സംഘം ഉൾപ്പെടെ സ്ഥലത്തെത്തി പരിശോധന നടത്തി.