മറ്റത്തൂര്‍ പഞ്ചായത്തില്‍ വീണ്ടും കോണ്‍ഗ്രസ് - ബിജെപി സഖ്യം

തൃശൂര്‍: മറ്റത്തൂര്‍ പഞ്ചായത്തില്‍ വീണ്ടും കോണ്‍ഗ്രസ് ബിജെപി സഖ്യം. വൈസ് പ്രസിഡന്റ് തിരഞ്ഞെടുപ്പില്‍ ബിജെപി അംഗങ്ങള്‍ കോണ്‍ഗ്രസിന് വോട്ടുചെയ്തു. കോണ്‍ഗ്രസ് അംഗം മിനിമോള്‍ വൈസ് പ്രസിഡന്റായി തിരഞ്ഞെടുക്കപ്പെട്ടു.

എല്‍ഡിഎഫ് - 10, യുഡിഎഫ് - എട്ട്, എന്‍ഡിഎ - നാല്, വിമതര്‍ - രണ്ട് എന്നിങ്ങനെയാണ് പഞ്ചായത്തിലെ കക്ഷിനില. രണ്ട് കോണ്‍ഗ്രസ് അംഗങ്ങള്‍ തിരഞ്ഞെടുപ്പില്‍ നിന്ന് വിട്ടുനിന്നു. ഒരു വിമതന്‍ എല്‍ഡിഎഫിനെ പിന്തുണച്ചു. ബിജെപിയും മിനിമോളെ പിന്തുണച്ചതോടെ എല്‍ഡിഎഫിനും കോണ്‍ഗ്രസിനും വോട്ട് 11 -11 എന്ന നിലയിലായി. തുടര്‍ന്ന് നറുക്കെടുപ്പിലാണ് വൈസ് പ്രസിഡന്റിനെ തിരഞ്ഞെടുത്തത്.

നേരത്തെ മറ്റത്തൂര്‍ പഞ്ചായത്തില്‍ ബിജെപിയുടെ വോട്ടുനേടി ജയിച്ച പഞ്ചായത്ത് വൈസ് പ്രസിഡന്റ് നൂര്‍ജഹാന്‍ നവാസ് കോണ്‍ഗ്രസ് നേതൃത്വത്തിന്റെ നിര്‍ദേശത്തെത്തുടര്‍ന്ന് സ്ഥാനം രാജിവച്ചിരുന്നു. 24 അംഗങ്ങളുള്ള മറ്റത്തൂരില്‍ ഏറ്റവും വലിയ ഒറ്റക്കക്ഷി എല്‍ഡിഎഫാണ് - 11 സീറ്റ്.