ചികിത്സാ പിഴവ്: 9 വയസ്സുകാരിയുടെ കൈ മുറിച്ച് മാറ്റേണ്ടി വന്നു

പാലക്കാട് ജില്ലാ ആശുപത്രിയിലെ ചികിത്സാ പിഴവിനെ തുടർന്ന് ഒമ്പത് വയസ്സുകാരിയുടെ വലത് കൈ മുറിച്ച് മാറ്റേണ്ടി വന്നതായി പരാതി. ജില്ലാ ആശുപത്രിയിൽ നിന്ന് പ്ലാസ്റ്ററിട്ട ശേഷം കുട്ടിയുടെ കൈയിൽ രക്തയോട്ടം നിലച്ച നിലയിലായിരുന്നെന്ന് അമ്മ പ്രസീത ആരോപിച്ചു. കുട്ടിയുടെ കൈ മുറിച്ചു മാറ്റിയത് കോഴിക്കോട് മെഡിക്കൽ കോളേജ് ആശുപത്രിയിൽ വെച്ചാണ്. എന്നാൽ, വീഴ്ച സംഭവിച്ചിട്ടില്ലെന്നാണ് പാലക്കാട് ആശുപത്രി സൂപ്രണ്ടിൻ്റെ വിശദീകരണം. സംഭവത്തിൽ ഡിഎംഒ ഓഫീസിലേക്ക് യൂത്ത് കോൺഗ്രസ് പ്രതിഷേധവുമായി രംഗത്തെത്തി