പാൽവില വർധിപ്പിക്കാൻ തീരുമാനിച്ചിട്ടുണ്ടെന്നും മിൽമ ഇത് സംബന്ധിച്ച നിർദ്ദേശം നൽകിയാൽ പരിഗണിക്കുമെന്നും മന്ത്രി ചിഞ്ചുറാണി അറിയിച്ചു

തിരുവനന്തപുരം :പാൽവില വർധിപ്പിക്കാൻ തീരുമാനിച്ചിട്ടുണ്ടെന്നും മിൽമ ഇതു സംബന്ധിച്ച നിർദ്ദേശം നൽകിയാൽ അത് പരിഗണിക്കുമെന്നും മന്ത്രി ചിഞ്ചുറാണി പറഞ്ഞു .

എന്നാൽ തിരഞ്ഞെടുപ്പ് വരുന്ന സാഹചര്യത്തിൽ പെട്ടെന്നുള്ള വർധന ശാശ്വതമല്ലെന്നും ഇക്കാര്യത്തിൽ ആണ് മിൽമയുടെ നിർദ്ദേശം പരിഗണിക്കാൻ ഇരിക്കുന്നതെന്നും മന്ത്രി അറിയിച്ചു .

പാൽവില കുറച്ചു വർധിപ്പിക്കുന്നതുകൊണ്ടു പ്രശ്നം ഇല്ലെന്നും ക്ഷീര കർഷകർക്ക് വേണ്ടിയാണു ഇത്തരം തീരുമാനം എടുക്കുന്നതെന്നും ചിഞ്ചുറാണി പറഞ്ഞു .

അതേസമയം എത്രരൂപയാണ് വർധിപ്പിക്കുക എന്നത് മന്ത്രി വ്യക്തമാക്കിയിട്ടില്ല.

 സർക്കാരിന്റെ അനുമതിയോടെയാണ് മിൽമ പാൽ വില വർധിപ്പിക്കുക. പാലിന് വില കൂട്ടിയാൽ മിൽമയുടെ എല്ലാ പാൽ ഉൽപ്പന്നങ്ങൾക്കും ആനുപാതികമായി വില വർധിക്കും.

 സ്വകാര്യ ഉൽപാദകരും വില കൂട്ടും.