എറണാകുളത്ത് രണ്ടര മാസം പ്രായമുള്ള പെണ്‍കുഞ്ഞ് മരിച്ച നിലയില്‍

കൊച്ചി: എറണാകുളം തൃക്കാക്കര കെന്നഡിമുക്ക് ജേര്‍ണലിസ്റ്റ് നഗറില്‍ രണ്ടര മാസം പ്രായമുള്ള പെണ്‍കുഞ്ഞിനെ മരിച്ച നിലയില്‍ കണ്ടെത്തി. കര്‍ണാടക സ്വദേശികളായ യൂസഫ്ഖാന്‍-ചാമ്പ  ദമ്പതികളുടെ പെണ്‍കുഞ്ഞാണ് മരിച്ചത്.

മുലപ്പാല്‍ തൊണ്ടയില്‍ കുടുങ്ങിയതെന്നാണ് സംശയിക്കുന്നത്. ഇന്നലെ രാത്രി കുഞ്ഞുമായി കിടന്നുറങ്ങുന്നതിനിടെ അമ്മ മുലപ്പാര്‍ കൊടുത്തിരുന്നു. ഇതിനിടയില്‍ അമ്മ ഉറങ്ങിപ്പോയെന്നാണ് പറയുന്നത്. 

രാവിലെ കുട്ടി ഉണരാതെ വന്നതോടെയാണ് ആശുപത്രിയില്‍ എത്തിച്ചത്. എന്നാല്‍, മരണം സംഭവിച്ചിരുന്നു. മൃതദേഹം ജനറല്‍ ആശുപ്തരിയില്‍ സൂക്ഷിച്ചിരിക്കുകയാണ്. പോസ്റ്റ്‌മോര്‍ട്ടം നടത്തിയശേഷം മാതാപിതാക്കള്‍ക്ക് വിട്ട് നല്‍കും.