ഗുരുവായൂർ ക്ഷേത്ര നഗരിയിൽ ഇനി പാർക്കിങ്ങിനെ കുറിച്ച് ടെൻഷൻ വേണ്ട ;ഇനി ക്യൂആര്‍ കോഡ് സ്‌കാന്‍ ചെയ്താല്‍ പാര്‍ക്കിങ് സൗകര്യമറിയാം

തൃശൂർ: ഗുരുവായൂർ ക്ഷേത്രനഗരിയിൽ വാഹനം പാർക്ക് ചെയ്യുന്നതിനെപ്പറ്റി ആശങ്ക പെടുന്നവർ ധാരാളമുണ്ട് .

അവധി ദിവസങ്ങളിലും വിശേഷപ്പെട്ട ദിവസങ്ങളിലും ഗുരുവായൂർ ക്ഷേത്രനഗരിയിൽ വാഹനം പാർക്ക് ചെയ്യുന്നതിനെ കുറിച്ച് ആലോചിക്കാൻ പോലും കഴിയില്ല. എന്നാൽ ഇനി മുതൽ അത്തരമൊരു ആശങ്കയുടെ കാര്യമേ ഇല്ല .

 ക്യൂആർ കോഡ് സ്‌കാൻ ചെയ്താൽ പാർക്കിങ് സൗകര്യമറിയാം.ഗുരുവായൂരിൽ ശബരിമല സീസൺ മുന്നൊരുക്കത്തിന്റെ ഭാഗമായി നഗരസഭയുടെ നേതൃത്വത്തിൽ നടന്ന യോഗത്തിലായിരുന്നു ഇങ്ങനെയൊരു സംവിധാനം ചർച്ച ചെയ്തത്.

 നഗരത്തിന്റെ പ്രധാന സ്ഥലങ്ങളിൽ ക്യൂആർ കോഡുകൾ സ്ഥാപിക്കും. വൃശ്ചികം ഒന്നിനുമുമ്പ് ഇത് സ്ഥാപിക്കാനാണ് തീരുമാനം.