ഓമന മൃഗങ്ങളെ തേടി അലയേണ്ട, വരുന്നു സർക്കാരിന്റെ ഓൺലൈൻ സ്റ്റോറുകൾ

കൊച്ചി : വളർത്തു മൃഗങ്ങളെ വാങ്ങാനായി ഇനി കടകൾ കേറി അലയേണ്ട, മൃഗങ്ങളെ വാങ്ങാനും വിൽക്കാനും സാധിക്കുന്ന സർക്കാരിന്റെ ഓൺലൈൻ സ്റ്റോറുകൾ തയ്യാറാകുന്നു. കേരള ലൈവ് സ്റ്റോക്ക് ഡെവോല്പ്മെന്റ് ഈ വർഷം തന്നെ പദ്ധതി നടപ്പിലാക്കും.

പൂച്ച,നായ,കോഴി, കന്നുകാലികൾ,അലങ്കാര മീനുകൾ എന്നിങ്ങനെയുള്ള ജീവികളെ വാങ്ങാനും വിൽക്കാനും ഇതിലൂടെ സാധിക്കും. കന്നുകാലികളുടെ പ്രായം, ജനുസ് ആരോഗ്യ കാര്യങ്ങൾ, പാൽ നൽകാനുള്ള ശേഷി എന്നിവയെല്ലാം ഈ സൈറ്റിൽ രേഖപ്പെടുത്താവുന്നതാണ്. മൃഗ സംരക്ഷണ വകുപ്പ് മന്ത്രി ജെ. ചിഞ്ചുറാണിയുടെ മനസ്സിൽ ഉണ്ടായ ആശയമാണ് ഈ ഓൺലൈൻ സ്റ്റോർ.

സ്റ്റാർട്ടപ്പ് മിഷൻ ആണ് ഈ പദ്ധതിക്കായി സ്റ്റോറും ആപ്പും തയാറാക്കുന്നത് 60 ലേറെ കമ്പനികളുമായി ഇതിനകം ചർച്ചകൾ കഴിഞ്ഞു. ആദ്യ ഘട്ട സേവനം സൗജന്യമായി ആയിരിക്കും ലഭ്യമാകുക. പിന്നീട് യൂസർ ഫീ ഈടാക്കുന്നതിനെ കുറിച്ചും ആലോചിക്കുന്നുണ്ട്.

ഡിജിറ്റൽ സാക്ഷരത കുറവുള്ളവർക്ക് അക്ഷയ സെന്ററുകൾ വഴി സേവനം ലഭ്യമാക്കും.

ജീവിയുടെ പൂർണ വിവരങ്ങൾ, അവയുടെ ചിത്രങ്ങൾ, വില രജിസ്ട്രഷൻ വിവരങ്ങൾ, വാക്സിനേഷൻ, ബന്ധപ്പെടേണ്ട നമ്പർ, വിലാസം എന്നിവയെല്ലാം സൈറ്റിൽ നൽകണം.

കൃത്യമായ ഓഡിറ്റ്, സൂതാര്യ ഇടപെടലുകൾ, ഇടനിലക്കാരെ ഒഴിവാക്കൽ ഗതാതം എന്നീ കാര്യങ്ങൾ സർക്കാർ ഉറപ്പു വരുത്തും.