എസ്എന്‍ഡിപി ഐക്യത്തില്‍ നിന്ന് എന്‍എസ്എസ് പിന്മാറി; പ്രായോഗികമല്ലെന്ന് ഡയറക്ടര്‍ ബോര്‍ഡ്

കോട്ടയം: എന്‍എസ്എസ്  എസ്എന്‍ഡിപി ഐക്യത്തില്‍ നിന്ന് പിന്മാറി എന്‍എസ്എസ്. ഐക്യം പ്രായോഗികമല്ലെന്നാണ് എന്‍എസ്എസ് ഡയറക്ടര്‍ ബോര്‍ഡിന്റെ തീരുമാനം. ഐക്യശ്രമം ഇപ്പോഴത്തെ രാഷ്ട്രീയത്തെ സാഹചര്യത്തില്‍ പരാജയമാകുമെന്നാണ് വിലയിരുത്തല്‍. 

എന്‍എസ്എസിന് എല്ലാ പാര്‍ട്ടികളോടും സമദൂരമായിരിക്കുമെന്നും സുകുമാരന്‍ നായര്‍ ഡയറക്ടര്‍ ബോര്‍ഡ് യോഗത്തില്‍ വ്യക്തമാക്കി. എന്‍എസ്എസ് തീരുമാനത്തിന്റെ പൂര്‍ണരൂപം അറിഞ്ഞശേഷം മറുപടി പറയാമെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പറഞ്ഞു.