പാലക്കാട് ചിറ്റിലഞ്ചേരിയില്‍ നിയന്ത്രണംവിട്ട കാറിടിച്ച് രണ്ടുപേര്‍ മരിച്ചു

ചിറ്റിലഞ്ചേരി: പാലക്കാട് ചിറ്റിലഞ്ചേരിയില്‍ നിയന്ത്രണംവിട്ട കാറിടിച്ച് രണ്ടുപേര്‍ മരിച്ചു. മേലാര്‍കോട് പുളിഞ്ചുവടിനു സമീപമാണ് അപകടം. ബൈക്ക് യാത്രക്കാരനും വഴിയരികിലെ കലുങ്കില്‍ ഇരിക്കുകയായിരുന്ന മേലാര്‍കോട് പഴയാണ്ടിത്തറ ബാലസുബ്രഹ്‌മണ്യനു (39) മാണ് മരിച്ചത്. 

ഉച്ചയ്ക്ക് രണ്ടരയോടെ ആയിരുന്നു അപകടം. മരിച്ച ബൈക്ക് യാത്രക്കാരനെ തിരിച്ചറിഞ്ഞിട്ടില്ല. കാര്‍ യാത്രക്കാരായ 4 പേര്‍ക്കും കലുങ്കില്‍ ഇരിക്കുകയായിരുന്ന 2 പേര്‍ക്കും പരുക്കേറ്റിട്ടുണ്ട്.ആലത്തൂര്‍ ഭാഗത്തുനിന്ന് നെന്മാറ ഭാഗത്തേക്ക് വരുകയായിരുന്നു കാര്‍. ബൈക്ക് ആലത്തൂര്‍ ഭാഗത്തേക്ക് പോകുകയായിരുന്നു. ബൈക്ക് യാത്രക്കാരനെ ഇടിച്ച ശേഷമാണ് കലുങ്കില്‍ ഇരിക്കുകയായിരുന്നവരെയും കാര്‍ ഇടിച്ചത്.