/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/m2tpDJM4vHNpqL1xADe1.jpg)
പത്തനംതിട്ടയില് കായികതാരമായ ദളിത് പെണ്കുട്ടി പീഡിപ്പിക്കപ്പെട്ട സംഭവത്തില് സംസ്ഥാന വനിതാ കമ്മിഷന് സ്വമേധയാ കേസെടുത്തു. ഇത് സംബന്ധിച്ച റിപ്പോര്ട്ട് അടിയന്തരമായി നല്കാന് പത്തനംതിട്ട എസ്.പിയോട് വനിത കമ്മിഷന് ചെയര്പേഴ്സണ് അഡ്വ. പി. സതീദേവി ആവശ്യപ്പെട്ടു.
13ാം വയസ്സുമുതല് ലൈംഗിക പീഡനത്തിന് ഇരയായെന്നും അഞ്ചുകൊല്ലത്തിനിടെ അറുപതിലധികം പേര് പീഡിപ്പിച്ചുവെന്നുമാണ് പെണ്കുട്ടി വെളിപ്പെടുത്തിയത്. ഇതുവരെ ഇരുപതുപേരാണ് അറസ്റ്റിലായത്. അറസ്റ്റിലായവരില് നവവരനും പ്ലസ് ടു വിദ്യാര്ഥിയും സഹോദരങ്ങളുമടക്കമുണ്ട്. പ്രതികള്ക്കെതിരെ പട്ടികജാതി പീഡന നിരോധന നിയമവും ചുമത്തി.
വി.കെ. വിനീത്, കെ. അനന്തു, എസ്. സുധി, അച്ചു ആനന്ദ് എന്നിവരാണ് കഴിഞ്ഞ ദിവസം അറസ്റ്റിലായത്. ഇവരില് കഴിഞ്ഞ നവംബറില് വിവാഹിതനായ ഒരാളും ഞായറാഴ്ച വിവാഹനിശ്ചയം തീരുമാനിക്കപ്പെട്ട വ്യക്തിയുമുണ്ട്. മല്ലശ്ശേരി, പത്തനംതിട്ട, കുലശേഖരപതി, വെട്ടിപ്രം മേഖലകളില്നിന്നുള്ളവരാണ് ശനിയാഴ്ച അറസ്റ്റിലായത്. ഷംനാദ്, അഫ്സല്, സഹോദരന് ആഷിഖ്, നിധിന് പ്രസാദ്, അഭിനവ്, കാര്ത്തിക്, സുധീഷ്, അപ്പു എന്നിവരാണ് അറസ്റ്റിലായത്. ഒരാള് പ്ലസ് ടു വിദ്യാര്ഥിയാണ്.