സ്‌കൂട്ടറിൽ ക്ഷേത്രദർശനത്തിനിറങ്ങിയ രാഹുൽ മാങ്കൂട്ടത്തിലിന് പിന്നാലെ പാഞ്ഞ് പോലീസ്

പത്തനംതിട്ട :ബലാത്സംഗക്കേസിൽ  പ്രതിയായ പാലക്കാട് എം എൽ എ രാഹുൽ മാങ്കൂട്ടത്തിൽ കഴിഞ്ഞ 11 നാണു തിരിച്ചെത്തിയത്.

ഇതിനുശേഷം ഇന്നലെയാണ് അദ്ദേഹം അടൂർ മുണ്ടപ്പള്ളിയിലെ വീട്ടിലെത്തിയത് .

കേസുമായി ബന്ധപ്പെട്ട കൊച്ചിയിൽ അഭിഭാഷകരെ കണ്ടതിനുശേഷമാണ് രാഹുൽ വീട്ടിലെത്തിയത് .

ഇതിനുപിന്നാലെ രാഹുൽ വീടിനടുത്തുള്ള ക്ഷേത്രത്തിലേക്ക് ദർശനത്തിനായി പോവുകയും പിന്നാലെ പോലീസ് പിന്തുടരുകയും ചെയ്തു .

ഷാഡോ സംഘമാണ് രാഹുലിന്റെ നീക്കങ്ങൾ നിരീക്ഷിക്കുന്നതിനായി വീട്ടിനുമുന്നിലുള്ളത് .

ഇന്ന് തന്നെ പാലക്കാട്ടേക്ക് പോകുമെന്ന് രാഹുൽ മാങ്കൂട്ടത്തിൽ പ്രതികരിച്ചു. അന്വേഷണ സംഘം ഇതുവരെ ഹാജരാകാൻ നിർദ്ദേശിച്ചിട്ടില്ലെന്നും കോടതി തീരുമാനം വരട്ടെയെന്നും രാഹുൽ പ്രതികരിച്ചു.

 മറ്റു കാര്യങ്ങൾ പറയാനില്ലെന്നും രാഹുൽ കൂട്ടിച്ചേർത്തു. നേരത്തെ, രാഹുലിനോട് പത്തനംതിട്ട ജില്ല വിട്ടുപോവരുതെന്ന് അന്വേഷണ സംഘം നിർദേശിച്ചിരുന്നു.

ബലാത്സംഗക്കേസിൽ ഒളിവിലായിരുന്ന രാഹുൽ കഴിഞ്ഞ 11 നാണ് പാലക്കാട് തിരിച്ചെത്തിയത്.

 ഇന്ന് രാഹുലിന്റെ രണ്ട് ബലാത്സംഗക്കേസുകളും ഹൈക്കോടതി പരിഗണിക്കും.