പ്രധാനമന്ത്രി നരേന്ദ്രമോദി 23 ന് തിരുവനന്തപുരത്ത് എത്തുന്നു

തിരുവനന്തപുരം:  പ്രധാനമന്ത്രി നരേന്ദ്രമോദി ഈ മാസം 23 ന് തലസ്ഥാനത്ത് എത്തും.

തലസ്ഥാന നഗരവികസനരേഖയും നിയമസഭാ തിരഞ്ഞെടുപ്പിനായി ബിജെപിയുടെ മിഷൻ 2026 പദ്ധതിയും പ്രധാനമന്ത്രി പ്രഖ്യാപിക്കും.

കോർപറേഷൻ ഭരണം ബിജെപി പിടിച്ചാൽ 45 ദിവസത്തിനകം പ്രധാനമന്ത്രി എത്തുമെന്നും നഗരവികസന രേഖ അവതരിപ്പിക്കുമെന്നും പാർട്ടി പ്രഖ്യാപിച്ചിരുന്നു.

 ആ പരിപാടിയിൽ നിയമസഭാ തിരഞ്ഞെടുപ്പ് പ്രചാരണത്തിനു കൂടി തുടക്കമിടാനാണ് ബിജെപിയുടെ ആലോചന.

 പ്രധാനമന്ത്രി പങ്കെടുക്കുന്ന പരിപാടിക്കായി ഒരുങ്ങാൻ ദേശീയ നേതൃത്വം സംസ്ഥാന ബിജെപി ഘടകത്തിനു നിർദ്ദേശം നൽകി.