/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2026/03/09/paanicker-2026-03-09-14-31-17.jpg)
തിരുവനന്തപുരം: പ്രമുഖ ചരിത്രകാരന് കെ.എന്. പണിക്കര് അന്തരിച്ചു. 90 വയസ്സായിരുന്നു. വാര്ധക്യസഹജമായ അസുഖത്തെ തുടര്ന്ന് തിരുവനന്തപുരം പട്ടം എസ്.യു.ടി ആശുപത്രിയിലായിരുന്നു അന്ത്യം.
കാലടി ശ്രീ ശങ്കരാചാര്യ സംസ്കൃത സര്വകലാശാല മുന് വൈസ് ചാന്സലറായിരുന്നു. തുടര്ന്ന് പന്ത്രണ്ട് വര്ഷം കേരള ചരിത്ര ഗവേഷണ കൗണ്സിലിന്റെ അധ്യക്ഷനായി. ഉന്നത വിദ്യാഭ്യാസ കൗണ്സിലിന്റെ ആദ്യ ചെയര്മാനായിരുന്നു. നിരവധി ചരിത്രഗന്ഥനങ്ങള് രചിച്ചു. 'കലുഷിതമായ കാലം' എന്ന പേരില് ആത്മകഥ പ്രസിദ്ധീകരിച്ചിരുന്നു. 'ചരിത്രമെന്ന പോര്ക്കളം' എന്ന? പേരില് പണിക്കരെ കുറിച്ചുള്ള പുസ്തകം 2019ല് പുറത്തിറങ്ങി.
ഗുരുവായൂര് തൈക്കാട്ട് കണ്ടിയൂര് വീട്ടില് കൃഷ്ണന് നായരുടെയും ഇച്ചുക്കുട്ടി അമ്മയുടെയും മകനാണ്. ചാവക്കാട് ബോര്ഡ് ഹൈസ്കൂളില് സെക്കന്ഡറി വിദ്യാഭ്യാസവും പാലക്കാട് ഗവ. വിക്ടോറിയകോളജില് ബിരുദ വിദ്യാഭ്യാസവും പൂര്ത്തിയാക്കി. രാജസ്ഥാന് സര്വകലാശാലയില്നിന്ന് ബിരുദാനന്തര ബിരുദവും പി.എച്ച്.ഡിയും കരസ്ഥമാക്കി. പിന്നീട് ഡല്ഹി ജവഹര്ലാല് നെഹ്റു സര്വകലാശാലയില് ചരിത്ര വിഭാഗം അധ്യാപകനായി. രാജസ്ഥാനിലെ മാര്വാഡി കുടുംബാംഗവും ചരിത്രകാരിയുമായിരുന്ന പരതേയായ ഉഷയാണ് ഭാര്യ.
എഗൈന്സ്റ്റ് ലോര്ഡ് അന്ഡ് സ്റ്റേറ്റ്സ്: റിലിജിയന് ആന്ഡ് പെസന്റെ അപ്റൈസിങ് ഇന് മലബാര്, കള്ച്ചര് ആന്ഡ് കോണ്ഷ്യസ്നസ് ഇന് മോഡേണ് ഇന്ത്യ, ബ്രിട്ടീഷ് ഡിപ്ലോമസി ഇന് നോര്ത്ത് ഇന്ത്യ, കള്ച്ചര് -ഐഡിയോളജി ആന്ഡ് ഹെജിമണി: ഇന്റലക്ച്വല്സ് ആന്ഡ് സോഷ്യല് കോണ്ഷ്യസ്നെസ്സ് ഇന് കൊളോണിയല് ഇന്ത്യ, കമ്മ്യൂണല് ത്രെട്ട്, സെക്കുലര് ചലഞ്ച്, കണ്ടമ്പററി ഇന്ത്യ: കള്ച്ചര് ആന്ഡ് പൊളിറ്റിക്സ്, ഇന്റെറോഗെറ്റിങ്ങ് കൊളോണിയല് മോഡേണിറ്റി എന്നിവയാണ് പ്രധാന ഗ്രന്ഥങ്ങള്.