ശബരിമലയിലെ സ്വർണ്ണ മോഷണത്തിൽഒരു വിവരങ്ങളും മറച്ചു വെച്ചിട്ടില്ലെന്നും സത്യങ്ങളെല്ലാം പുറത്തേക്ക് വരട്ടെയെന്നും പി എസ് പ്രശാന്ത്

തിരുവനന്തപുരം: ശബരിമല സ്വർണമോഷണ  വിവാദത്തിൽ വീണ്ടും  പ്രതികരണവുമായി ദേവസ്വം ബോർഡ് പ്രസിഡന്റ് പി എസ് പ്രശാന്ത്.

ഈ വിഷയത്തിൽ ഒരു വിവരങ്ങളും മറച്ചിട്ടില്ലെന്നും എല്ലാ സത്യങ്ങളും ഉടനെത്തന്നെ പുറത്തുവരട്ടെയെന്നും പ്രശാന്ത് പ്രതികരിച്ചു .

ഇതിൽ പങ്കുള്ള ഒരു കുറ്റക്കാരെയും  സംരക്ഷിക്കാൻ ദേവസ്വം ബോർഡ് തയ്യറാവില്ല . ഇതിനുവേണ്ടിയുള്ള ന‌ടപ‌ടികൾ അടുത്ത യോ​ഗത്തിൽ ആലോചിക്കും.

നടപടികൾ  മുരാരി ബാബുവിൽ മാത്രം ഒതുങ്ങില്ലെന്നുംഎല്ലാ കുറ്റക്കാരെയും നടപടികൾക്ക് വിധേയരാക്കുമെന്നും  പ്രശാന്ത് വ്യക്തമാക്കി.

പെൻഷൻ ഉൾപ്പെടെയുള്ളവ  തടയുന്നത് ആലോചിക്കും. ഉണ്ണിക്കൃഷ്ണൻ പോറ്റി സത്യസന്ധനായ ഒരാൾ അല്ലെന്നും  പിഎസ് പ്രശാന്ത് പറഞ്ഞു.