/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/11/24/rahul-2025-11-24-14-32-08.jpg)
പാലക്കാട്: പാലക്കാടുള്ള ഫ്ളാറ്റില് നിന്ന് ഒഴിയാന് രാഹുല് മാങ്കൂട്ടത്തിലിന് അസോസിയേഷന്റെ നോട്ടീസ്. ഈ മാസം 25നകം ഒഴിയണമെന്നാണ് നിര്ദേശം. ഫ്ളാറ്റില് താമസിക്കുന്ന മറ്റുള്ളവര്ക്ക് ബുദ്ധിമുട്ടാകുന്നു എന്ന് ചൂണ്ടിക്കാട്ടിയാണ് അസോസിയേഷന് നോട്ടീസ് നല്കിയത്. ഉടന് ഒഴിയാമെന്ന് രാഹുല് അറിയിച്ചതായാണ് ലഭ്യമാകുന്ന വിവരങ്ങള്.
രാഹുല് മാങ്കൂട്ടത്തിലിനെതിരായ ബലാത്സംഗ കേസില് വിവിധ തെളിവ് ശേഖരണത്തിനും മറ്റ് പരിശോധനകള്ക്കുമായി അന്വേഷണ ഉദ്യോഗസ്ഥര് ഈ ഫ്ളാറ്റിലെത്തിയിരുന്നു. ഇതേതുടര്ന്ന് ഫ്ളാറ്റ് വാസികള്ക്കുണ്ടാകുന്ന ബുദ്ധിമുട്ട് അറിയിച്ചുകൊണ്ടാണ് രാഹുലിന് നിലവില് ഫ്ളാറ്റ് ഒഴിയാന് നിര്ദേശം നല്കിക്കൊണ്ട് അസോസിയേഷന് നോട്ടീസ് നല്കിയിരിക്കുന്നത്.
ബലാത്സംഗ കേസില് ഒളിവിലായിരുന്ന രാഹുല് മാങ്കൂട്ടത്തില് ഇന്നലെയാണ് പൊതുജന മധ്യത്തിലെത്തുന്നത്. പാലക്കാട് കുന്നത്തൂര്മേടില് വോട്ട് ചെയ്യാനെത്തുകയായിരുന്നു. 15 ദിവസത്തിന് ശേഷമാണ് ഒളിവില് നിന്ന് പുറത്തെത്തുന്നത്.
തിരിച്ചെത്തിയ രാഹുല് മാങ്കൂട്ടത്തില് പാലക്കാട് തന്നെ തുടരുകയാണ്. രണ്ടാം കേസില് അറസ്റ്റ് തടഞ്ഞ ഉത്തരവിനെതിരായ അപ്പീലിലെ തീരുമാനം അറിഞ്ഞ ശേഷമായിരിക്കും തുടര്നീക്കം. രാഹുലിന്റെ വരവില് കോണ്ഗ്രസില് ഭിന്നാഭിപ്രായമാണുള്ളത്. പാലക്കാട് വോട്ട് ചെയ്യാനെത്തിയത് ഒരു വിഭാഗം നേതാക്കളുടെ അറിവോടെയെന്നാണ് സൂചന.