ക്രിസ്മസ്, പുതുവത്സര സീസൺ കണക്കിലെടുത്ത് യാത്രക്കാരുടെ തിരക്ക് ഒഴിവാക്കാൻ പ്രത്യേക ട്രെയിനുകൾ പ്രഖ്യാപിച്ച് റെയിൽവേ

തിരുവനന്തപുരം : ക്രിസ്മസ്, പുതുവത്സര സീസൺ കണക്കിലെടുത്ത് യാത്രക്കാരുടെ തിരക്ക് ഒഴിവാക്കാൻ പ്രത്യേക ട്രെയിനുകൾ പ്രഖ്യാപിച്ച് ദക്ഷിണ പശ്ചിമ റെയിൽവേ.

 06192 തിരുവനന്തപുരം സെൻട്രൽ - ചണ്ഡീഗഡ് വൺ-വേ എക്‌സ്പ്രസ് സ്‌പെഷ്യൽ, 06283/06284 മൈസൂരു - തൂത്തുക്കുടി - മൈസൂരു എക്‌സ്പ്രസ് എന്നിവയാണ് പ്രഖ്യാപിച്ചത്.

ഇതോടുകൂടി യാത്രക്കാർക്ക് യാത്രാവേളയിലെ അനിയന്ത്രിതമായ തിരക്ക് ഒഴിവാക്കാൻ കഴിയും .

06192 തിരുവനന്തപുരം സെൻട്രൽ - ചണ്ഡീഗഡ് വൺവേ എക്‌സ്പ്രസ് സ്‌പെഷ്യൽ ഡിസംബർ 10 (ബുധൻ) ന് രാവിലെ 7.45 ന് തിരുവനന്തപുരത്ത് നിന്ന് പുറപ്പെട്ട് നാലാം ദിവസം രാവിലെ 4 ന് ചണ്ഡീഗഡിൽ എത്തിച്ചേരും (1 സർവീസ്). 2- എസി ത്രീ ടയർ ഇക്കണോമി കോച്ചുകൾ, 8- സ്ലീപ്പർ ക്ലാസ് കോച്ചുകൾ, 7- ജനറൽ സെക്കൻഡ് ക്ലാസ് കോച്ചുകൾ, 2- ലഗേജ് കം ബ്രേക്ക് വാൻ എന്നിങ്ങനെയാണ് കോച്ച് പൊസിഷൻ.

 തിരുവനന്തപുരം സെൻട്രൽ, കൊല്ലം, കായംകുളം, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, ഷൊർണൂർ, തിരൂർ, കോഴിക്കോട്, കണ്ണൂർ, കാസർകോട് എന്നിവിടങ്ങളിൽ സ്റ്റോപ്പുണ്ടാകും.

06283 മൈസൂരു - തൂത്തുക്കുടി എക്‌സ്പ്രസ് സ്‌പെഷ്യൽ ഡിസംബർ 23, 27 തീയതികളിൽ (ചൊവ്വ, ശനി) വൈകിട്ട് 6.35 ന് മൈസൂരുവിൽ നിന്ന് പുറപ്പെട്ട് അടുത്ത ദിവസം രാവിലെ 11ന് തൂത്തുക്കുടിയിൽ എത്തിച്ചേരും (2 സർവീസുകൾ). തിരികെ 06284 തൂത്തുക്കുടി - മൈസൂരു എക്‌സ്പ്രസ് സ്‌പെഷ്യൽ ഡിസംബർ 24, 28 തീയതികളിൽ (ബുധൻ, ഞായർ) ഉച്ചയ്ക്ക് 2ന് തൂത്തുക്കുടിയിൽ നിന്ന് പുറപ്പെട്ട് അടുത്ത ദിവസം രാവിലെ 7.45 ന് മൈസൂരുവിൽ എത്തിച്ചേരും (2 സർവീസുകൾ). എസി ടു ടയർ കോച്ച്, 2 എസി ത്രീ ടയർ കോച്ചുകൾ, 9 സ്ലീപ്പർ ക്ലാസ് കോച്ചുകൾ, 4 ജനറൽ സെക്കൻഡ് ക്ലാസ് കോച്ചുകൾ, 2 ലഗേജ്-കം-ബ്രേക്ക് വാൻ എന്നിങ്ങനെയാണ് കോച്ചുകൾ.