മന്ത്രി സജി ചെറിയാന്റെ വേടനെപോലും എന്ന പരാമർശത്തിനെതിരെ റാപ്പർ വേടൻ

തിരുവനന്തപുരം: മന്ത്രി സജി ചെറിയാന്റെ വേടനെപോലും എന്ന പരാമർശം തന്നെ അപമാനിച്ചത് തന്നെയെന്ന് പറഞ്ഞു  റാപ്പർ വേടൻ രംഗത്തെത്തി .

തനിക്ക് അവാർഡ് ലഭിച്ചത് കലയ്ക്ക് ലഭിച്ച അംഗീകാരമാണെന്നും അവാർഡ് ഏതെങ്കിലും രാഷ്ട്രീയ പാർട്ടിയുടെ ഭാഗമായതുകൊണ്ടല്ല ലഭിച്ചതെന്നും  റാപ്പർ വേടൻ പറഞ്ഞു.

കോഴിക്കോട് ന്യൂ സെൻട്രൽ മാർക്കറ്റ് ശിലാസ്ഥാപനം നിർവഹിച്ച് സംസാരിക്കുമ്പോഴായിരുന്നു മന്ത്രി സജി ചെറിയാന്റെ വിവാദ പരാമർശം.

ഈ സർക്കാരിന്റെ കാലത്ത് ഒരു പരാതിയും ഉയരാത്ത അഞ്ചാമത്തെ സിനിമാ അവാർഡാണ് പ്രഖ്യാപിച്ചത്. കയ്യടി മാത്രമേയുള്ളൂ.

മമ്മൂക്കയ്ക്ക് കൊടുത്തപ്പോൾ കയ്യടി.

ലോകം കണ്ട ഇതിഹാസ നായകൻ മോഹൻലാലിനെ സർക്കാർ സ്വീകരിച്ചു. അതിനും കയ്യടി. വേടനെപ്പോലും തങ്ങൾ സ്വീകരിച്ചു.

മന്ത്രി  സജി ചെറിയാൻ പ്രസം​ഗത്തിൽ പറഞ്ഞു.പിന്നീട് മാധ്യമങ്ങളെ കണ്ടപ്പോൾ 'വേടനെപ്പോലും' എന്ന തന്റെ വാക്കു വിവാദമാക്കേണ്ടതില്ലെന്ന് മന്ത്രി സജി ചെറിയാൻ വ്യക്തമാക്കി.

മലയാള സിനിമയിൽ ശ്രീകുമാരൻ തമ്പിയെപ്പോലെ ഒട്ടേറെ പ്രഗത്ഭരായ ഗാനരചയിതാക്കളുണ്ട്. ആ രംഗത്ത് വേടൻ അത്ര പ്രഗത്ഭനല്ല.

അപ്പോഴും നല്ല കവിത എഴുതിയ വേടനെ ജൂറി സ്വീകരിക്കുകയാണ് ചെയ്തത്. അത് സ്വീകരിക്കാനുള്ള മനസ്സ് ഉണ്ടെന്നാണ് ഉദ്ദേശിച്ചതെന്നും മന്ത്രി സജി ചെറിയാൻ കൂട്ടിച്ചേർത്തു.

ഇത്തരത്തിലുള്ള മന്ത്രിയുടെ പരാമർശത്തിനെതിരെ ആണ് വേടൻ ഇപ്പോൾ രംഗത്തെത്തിയിരിക്കുന്നത് .