/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2025/01/04/o4InyzSk4doCVi02f8M2.jpg)
കണ്ണൂര് കണ്ണപുരത്തെ ഡിവൈഎഫ്ഐ പ്രവര്ത്തകനായിരുന്ന റിജിത്തിന്റെ കൊലപാതകത്തില് ഒന്പത് പ്രതികള് കുറ്റക്കാരെന്നു കോടതി. ആര്എസ്എസ്-ബിജെപി പ്രവര്ത്തകരായ പ്രതികളെ തലശ്ശേരി അഡീഷണല് ജില്ലാ സെഷന്സ് കോടതിയാണ് കുറ്റക്കാരെന്ന് വിധിച്ചത്. ഈ മാസം ഏഴിനു ശിക്ഷ വിധിക്കും.
19 വര്ഷങ്ങള്ക്ക് ശേഷമാണ് കേസില് വിധി പറയുന്നത്. 2005 ഒക്ടോബര് മൂന്നിന് രാത്രിയാണ് കേസിനാസ്പദമായ സംഭവം. രാത്രി ഒമ്പത് മണിയോടെ ചുണ്ട തച്ചന്കണ്ടി ക്ഷേത്രത്തിനടുത്ത് വെച്ച് റിജിത്തിനെ പ്രതികള് മാരകായുധങ്ങളുമായി ആക്രമിക്കുകയായിരുന്നു. സൃഹുത്തുക്കള്ക്കൊപ്പം പോകുമ്പോഴാണ് റിജിത്ത് കൊല്ലപ്പെടുന്നത്. അന്ന് 26 വയസ്സായിരുന്നു റിജിത്തിന്റെ പ്രായം. കൂടെയുണ്ടായ ഡിവൈഎഫ്ഐ പ്രവര്ത്തകരായ കെ വി നികേഷ്, ചിറയില് വികാസ്, കെ വിമല് തുടങ്ങിയവര്ക്ക് വെട്ടേറ്റിരുന്നു. കേസില് 28 സാക്ഷികളെ വിസ്തരിച്ചു. വളപട്ടണം സിഐയായിരുന്ന ടിപി പ്രേമരാജനാണ് കേസ് അന്വേഷിച്ചത്.