പമ്പയിൽ വൈദ്യുതാഘാതമേറ്റ് അയ്യപ്പ ഭക്ത മരിച്ച സംഭവത്തിൽ അന്വേഷണം നടത്തണമെന്നും നഷ്ടപരിഹാരം നൽകണമെന്നും ആവശ്യപ്പെട്ട് ശബരിമല അയ്യപ്പ സേവാ സമാജം രംഗത്ത്

പത്തനംതിട്ട :ശബരിമലയിൽ മേയ് 20 നാണ് പമ്പയിൽ കുടിവെള്ള ടാപ്പ് തുറക്കാൻ ശ്രമിക്കുന്നതിനിടെ 60 വയസ്സുള്ള ഒരു സ്ത്രീ വൈദ്യുതാഘാതമേറ്റ് മരിച്ചത്. സംഭവത്തിൽ അന്വേഷണം നടത്തണമെന്നും തെലങ്കാനയിൽ നിന്നുള്ള അയ്യപ്പ ഭക്തയായ സ്ത്രീക്ക് നഷ്ടപരിഹാരം നൽകണമെന്നും ആവശ്യപ്പെട്ട് ശബരിമല അയ്യപ്പ സേവാ സമാജം (SASS) പ്രതിഷേധവുമായി രംഗത്തെത്തി.

സംഭവത്തെ SASS ദേശീയ ചെയർമാൻ എസ്.ജെ.ആർ. കുമാർ ശക്തമായി അപലപിക്കുകയും ദാരുണമായ മരണകാരണത്തെക്കുറിച്ച് അടിയന്തരവും സമഗ്രവുമായ അന്വേഷണം നടത്തണമെന്ന് ആവശ്യപ്പെടുകയും ചെയ്തു.

 "തിങ്കളാഴ്ച വൈകുന്നേരം ശബരിമല ക്ഷേത്രത്തിൽ ദർശനം കഴിഞ്ഞ് മടങ്ങുമ്പോൾ രണ്ടാം നമ്പർ ഷെഡിലെ കുടിവെള്ള ടാപ്പ് തുറക്കാൻ ശ്രമിച്ചപ്പോഴാണ് ദൗർഭാഗ്യകരമായ സംഭവം നടന്നത്. പമ്പ ആശുപത്രിയിൽ എത്തിച്ചെങ്കിലും അവരുടെ ജീവൻ രക്ഷിക്കാനായില്ല." ഇത് അടിയന്തിരമായി അന്വേഷിക്കേണ്ടതുണ്ട്," അദ്ദേഹം പറഞ്ഞു.ഉടനടി പ്രഥമശുശ്രൂഷയും വൈദ്യസഹായവും നൽകിയിരുന്നോ എന്നതിനെക്കുറിച്ച് അന്വേഷണം നടത്തണമെന്നും SASS ആവശ്യപ്പെടുന്നു.

തെലങ്കാനയിലെ മഹബൂബ്‌നഗറിലെ ഗോപാൽപേട്ട് മണ്ഡലിൽ താമസിക്കുന്ന ഇ. ഭാരതമ്മയാണ് മരണപ്പെട്ടത്. 25 വർഷം മുമ്പ് ഭർത്താവ് മരിച്ചുപോയ ഭാരതമ്മ സാമ്പത്തിക മായി വളരെ പിന്നോക്ക അവസ്ഥയിലാണ്. മകനെയും മകളെയും ആശ്രയിച്ചു ജീവിക്കുന്ന ഇവർക്ക് അതുകൊണ്ട് തന്നെ കുടുംബത്തിന് നഷ്ടപരിഹാരം നൽകണമെന്ന് ശബരിമല അയ്യപ്പ സേവാ സമാജം ആവശ്യപ്പെടുന്നു. ഭാവിയിൽ ശബരിമലയിൽ ഇത്തരം സംഭവങ്ങളും അശ്രദ്ധയും ഉണ്ടാകുന്നത് തടയാൻ അടിയന്തരവും ആവശ്യമായതുമായ നടപടികൾ സ്വീകരിക്കണമെന്നും, എല്ലാ തീർത്ഥാടകരുടെയും സുരക്ഷയും ക്ഷേമവും ഉറപ്പാക്കണമെന്നും സമാജം ബന്ധപ്പെട്ട അധികാരികളോട് SAAS ആവശ്യപ്പെട്ടു. സ്ഥലത്തെ വൈദ്യുത ഇൻസ്റ്റാളേഷനുകൾക്ക് തിരുവിതാംകൂർ ദേവസ്വം ബോർഡാണോ അതോ കേരള സംസ്ഥാന വൈദ്യുതി ബോർഡാണോ (കെഎസ്ഇബി) ഉത്തരവാദിയെന്ന് നിർണ്ണയിക്കാൻ കേരള ഇലക്ട്രിക്കൽ ഇൻസ്പെക്ടറേറ്റിലെ വിദഗ്ധ എഞ്ചിനീയർമാരുടെ ഒരു സംഘം അന്വേഷണം നടത്തണമെന്നും അദ്ദേഹം ആവശ്യപ്പെട്ടു.