/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/11/11/vasu-2025-11-11-16-43-54.jpg)
കൊല്ലം: ശബരിമല സ്വര്ണക്കൊള്ളയില് ജയിലില് കഴിയുന്ന ദേവസ്വം മുന് കമ്മീഷ്ണറും പ്രസിഡന്റുമായ എന്.വാസുവും പുറത്തേക്ക്. പ്രതി സമര്പ്പിച്ച സ്വാഭാവിക ജാമ്യ ഹര്ജിയില് ഇന്ന് കൊല്ലം വിജിലന്സ് കോടതി വിധി പറയും. റിമാന്ഡ് കാലാവധി 90 ദിവസം പിന്നിട്ടതോടെയാണ് ജാമ്യം തേടിയത്. കട്ടിളപ്പാളി കേസിലെ മൂന്നാം പ്രതിയാണ് എന്.വാസു.
എസ്ഐടി കുറ്റപത്രം സമര്പ്പിക്കാത്തത് കൂടി ചൂണ്ടിക്കാട്ടിയാണ് ജാമ്യ നീക്കം. വിവേചനം കാണിക്കാന് പറ്റില്ലെന്നും ജാമ്യ ഹര്ജിയില് ഇന്ന് വിധി പറയുമെന്നുമാണ് ഇന്നലെ ഹര്ജി പരിഗണിച്ച കോടതി വ്യക്തമാക്കിയത്. ഇതുവരെ നാലു പ്രതികള് ജാമ്യം നേടി പുറത്തിറങ്ങി. ഒന്നാം പ്രതി ഉണ്ണികൃഷ്ണന് പോറ്റി ഉള്പ്പടെ മൂന്ന് പ്രതികള്ക്ക് സ്വാഭാവിക ജാമ്യമാണ് ലഭിച്ചത്. തന്ത്രി കണ്ഠര്
രാജീവരുടെ രണ്ട് കേസുകളിലെയും ജാമ്യ ഹര്ജികളില് ഇന്നലെ വാദം പൂര്ത്തിയായിരുന്നു. ഈ മാസം 18 നാണ് വിധി പറയുന്നത്. അതേസമയം, ശബരിമല സ്വര്ണ്ണക്കൊള്ളക്കേസില് പ്രതിയായ മുന് മുന് ദേവസ്വം സെക്രട്ടറി ജയശ്രീ സമര്പ്പിച്ച മൂന്കൂര് ജാമ്യപേക്ഷ സുപ്രീംകോടതി ഇന്ന് പരിഗണിക്കും. ജസ്റ്റിസ് ദീപാങ്കര് ദത്ത അധ്യക്ഷനായ ബെഞ്ചാണ് ഹര്ജി പരിഗണിക്കുന്നത്.
ആരോഗ്യകാരണങ്ങള് കണക്കിലെടുത്ത് മൂന്കൂര് ജാമ്യം വേണമെന്നാണ് ആവശ്യം. ജയശ്രീയിലെ അറസ്റ്റ് നേരത്തെ സുപ്രീം കോടതി തടഞ്ഞിരുന്നു. ചോദ്യം ചെയ്യലിന് ഹാജരാകാനും കോടതി നിര്ദ്ദേശിച്ചിരുന്നു. ഹൈക്കോടതി മുന്കൂര് ജാമ്യാപേക്ഷ തള്ളിയതോടെയാണ് ജയശ്രീ സുപ്രീം കോടതിയെ സമീപിച്ചത്.