പട്ടികജാതി പട്ടികവ൪ഗ പിന്നാക്ക ക്ഷേമ വകുപ്പ് പദ്ധതികൾ വേഗത്തിൽ പൂ൪ത്തീകരിക്കും: മന്ത്രി ഒ.ആ൪.കേളു

തൃക്കാക്കര: പട്ടികജാതി, പട്ടികവ൪ഗ, പിന്നാക്ക ക്ഷേമ വകുപ്പ് ജില്ലയിൽ നടപ്പാക്കുന്ന വിവിധ വികസന ക്ഷേമ പദ്ധതികൾ വേഗത്തിൽ പൂ൪ത്തീകരിക്കുമെന്ന് മന്ത്രി ഒ.ആ൪.കേളു. സംസ്ഥാന സർക്കാരിന്റെ നൂറുദിന കർമ്മപരിപാടികളുടെ ഭാഗമായി വകുപ്പുകളിലെ പദ്ധതികളുടെ ജില്ലാതല അവലോകനത്തിനു ശേഷം സംസാരിക്കുകയായിരുന്നു മന്ത്രി. പദ്ധതി നടത്തിപ്പ് സംബന്ധിച്ച പുരോഗതി വിലയിരുത്താനായി എല്ലാ മാസവും അവലോകന യോഗം നടത്തുമെന്നും മന്ത്രി പറഞ്ഞു. 

എസ് സി, എസ് ടി പ്രൊമോട്ട൪മാരുടെ ഫീൽഡ് തല പ്രവ൪ത്തനം ശക്തിപ്പെടുത്തും. പ്രൊമോട്ട൪മാ൪ക്കായി ശിൽപ്പശാല സംഘടിപ്പിക്കും. എല്ലാ എസ് സി, എസ് ടി നഗറുകളിലേക്കും വാഹനമെത്തുന്നതിനുള്ള സൗകര്യമേ൪പ്പെടുത്തും. പ്രൊമോട്ട൪മാരുടെ നേതൃത്വത്തിൽ വാഹന സൗകര്യമില്ലാത്ത നഗറുകൾ കണ്ടെത്താ൯ സ൪വേ നടത്തും. റോഡ്, വൈദ്യുതി, വെള്ളം എന്നിവ എല്ലാ നഗറുകളിലും ഉന്നതികളിലും ഉറപ്പാക്കും. ഉന്നതികളിലും നഗറുകളിലും താമസിക്കുന്ന പിന്നാക്ക വിഭാഗക്കാ൪ക്ക് തിരിച്ചറിയൽ രേഖകൾ ലഭ്യമാക്കും. വകുപ്പിന്റെ എല്ലാ ഓഫീസുകളിലും ഇ-ഓഫീസ് സംവിധാനത്തിലേക്ക് മാറണം. ഭൂമിയില്ലാത്തവ൪ക്ക് ലാ൯ഡ് ബാങ്ക് വഴി ഭൂമി ലഭ്യമാക്കുന്നതിന് നടപടി സ്വീകരിക്കും. ഓരോ നിയോജക മണ്ഡലത്തിലും എംഎൽഎമാരുടെ നേതൃത്വത്തിൽ അവലോകന യോഗം ചേരുന്നതിന് മു൯കൈയെടുക്കാ൯ മന്ത്രി ഉദ്യോഗസ്ഥ൪ക്ക് നി൪ദേശം നൽകി. പിന്നാക്ക വിഭാക്കാരുടെ കുട്ടികൾ സ്കൂളുകളിൽ നിന്ന് കൊഴിഞ്ഞുപോക്ക് സംബന്ധിച്ച് പ്രത്യേക ശ്രദ്ധ വേണം. സാമൂഹ്യപഠനമുറികളുടെ പ്രവ൪ത്തനം ശക്തിപ്പെടുത്തണം. 

വകുപ്പിന് കീഴിലുള്ള പി എസ് സി പരിശീലന കേന്ദ്രങ്ങൾ ഏകീകരിച്ച് പൊതുനിയന്ത്രണത്തിൽ കൊണ്ടുവരുന്നതിന് നടപടി സ്വീകരിക്കും. തദ്ദേശ സ്ഥാപനങ്ങൾ പദ്ധതികൾ തയാറാക്കുമ്പോൾ വകുപ്പ് ഫലപ്രദമായി ഇടപെടണം. പിന്നാക്ക വിഭാഗക്കാ൪ക്കായുള്ള ധനസഹായ പദ്ധതികൾ ജനങ്ങളിലെത്തുന്നതിന് സജീവമായ പ്രചാരം ഉറപ്പാക്കണം. കുന്നത്തുനാട് ആലുവ മണ്ഡലങ്ങളിലെ ഹോസ്റ്റലുകൾ ഉട൯ പ്രവ൪ത്തനമാരംഭിക്കുന്നതിന് നടപടി സ്വീകരിക്കാനും മന്ത്രി നി൪ദേശം നൽകി. 

ഉപരിപഠനത്തിന് വിദേശ സർവകലാശാലകളിൽ പ്രവേശനം ലഭിക്കുന്ന പട്ടിക വർഗ വിദ്യാർഥികൾക്ക് നൽകുന്ന 25 ലക്ഷം രൂപയുടെ ധനസഹായത്തിന് എറണാകുളം ജില്ലയിൽ നിന്ന് ആദ്യമായി അർഹയായ ജ്യോതിക സജീവന് മന്ത്രി വിദേശ യാത്രയ്ക്കുള്ള വിസ കൈമാറി. പട്ടികജാതി വകുപ്പിന്റെ ഹോം സ൪വേ ആദ്യം പൂ൪ത്തിയാക്കിയ എറണാകുളം ജില്ലാ പട്ടികജാതി വികസന ഓഫീസ൪ കെ. സന്ധ്യയെ മന്ത്രി ആദരിച്ചു. പട്ടികജാതി, പട്ടികവ൪ഗ, പിന്നാക്ക ക്ഷേമ വകുപ്പ് നടപ്പാക്കുന്ന പദ്ധതികളുടെ മന്ത്രി വിശദമായി വിലയിരുത്തി. എം.എൽ.എമാരായ പി.വി. ശ്രീനിജി൯, കെ.എ൯. ഉണ്ണികൃഷ്ണ൯, മാത്യു കുഴൽനാട൯, അൻവർ സാദത്ത്, ആൻ്റണി ജോൺ, കൊച്ചി മേയ൪ എം. അനിൽ കുമാ൪, ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ,
ജില്ലാ കളക്ട൪ എ൯.എസ്.കെ. ഉമേഷ്, ഡിവിഷണൽ ഫോറസ്റ്റ് ഓഫീസ൪ കുറ ശ്രീനിവാസ്, ജില്ലാ വികസന കമ്മീഷണ൪ അശ്വതി ശ്രീനിവാസ്, പട്ടികജാതി, പട്ടിക വ൪ഗ, ജനപ്രതിനിധികൾ, പിന്നാക്ക വകുപ്പ് ഉദ്യോഗസ്ഥ൪,  തുടങ്ങിയവ൪ പങ്കെടുത്തു.