/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/12/21/sreeni-cm-2025-12-21-08-12-59.jpg)
കൊച്ചി: കാലത്തെ അതിജീവിച്ച സിനിമകളിലൂടെ മലയാളികളോടു ചിരിയില് പൊതിഞ്ഞ ചോദ്യങ്ങള് ചോദിച്ച ശ്രീനിവാസന് (69) ഇനി ഓര്മത്തിരയില്. ഇന്നലെ രാവിലെ 8.25ന് തൃപ്പൂണിത്തുറ താലൂക്ക് ആശുപത്രിയിലായിരുന്നു അന്ത്യം. ഡയാലിസിസിനായി കൊണ്ടുപോകുമ്പോള് ദേഹാസ്വാസ്ഥ്യം അനുഭവപ്പെട്ട് അവിടെ പ്രവേശിപ്പിക്കുകയായിരുന്നു. ഇന്ന് രാവിലെ 10 ന് ഉദയംപേരൂര് കണ്ടനാട്ടെ വീട്ടുവളപ്പിലാണ് സംസ്കാരം. ഭാര്യ: വിമല. മക്കള്: വിനീത് ശ്രീനിവാസന്, ധ്യാന് ശ്രീനിവാസന്. മരുമക്കള്: ദിവ്യ, അര്പ്പിത.
കണ്ണൂര് പാട്യം സ്വദേശിയായ ശ്രീനിവാസന് പി.എ.ബക്കറിന്റെ മണിമുഴക്കം എന്ന ചിത്രത്തില് അഭിനയിച്ചാണ് മലയാള സിനിമയിലേക്ക് എത്തുന്നത്. 1984 ല് പ്രിയദര്ശന്റെ ഓടരുതമ്മാവാ ആളറിയാം എന്ന ചിത്രത്തിലൂടെയായിരുന്നു തിരക്കഥ എഴുത്തിന്റെ തുടക്കം. 48 വര്ഷം നീണ്ട സിനിമാജീവിതത്തില് 54 സിനിമകള്ക്ക് തിരക്കഥയെഴുതിയ ശ്രീനിവാസന് 2 ചിത്രങ്ങള് സംവിധാനം ചെയ്തു. 54 ല് 32 സിനിമകള് സത്യന് അന്തിക്കാടിനും പ്രിയദര്ശനും വേണ്ടിയായിരുന്നു. സുന്ദര-ഗംഭീര നായകന്മാരെക്കുറിച്ച് മുന്വിധിയുണ്ടായ കാലത്ത് അത്തരം പരിമിതിയെ സാധ്യതയാക്കിയ കഥാപാത്രങ്ങളായിരുന്നു ശ്രീനിവാസന്റേത്.