/kalakaumudi/media/media_files/2025/07/17/midhun-single-image-2025-07-17-14-40-36.jpg)
കൊല്ലം : ശാസ്താംകോട്ട തേവലക്കര ബോയ്സ് ഹൈസ്കൂളില് എട്ടാം ക്ലാസ് വിദ്യാര്ത്ഥി ഷോക്കേറ്റ് മരിച്ച സംഭവത്തില് സ്വമേധയാ കേസെടുത്ത് ബാലാവകാശ കമ്മീഷന്.സംഭവത്തില് അടിയന്തരമായി റിപ്പോര്ട്ട് സമര്പ്പിക്കാന് കമ്മീഷന് ആവശ്യപ്പെട്ടിരിക്കുകയാണ്.ഇന്ന് രാവിലെയാണ് അപകടമുണ്ടായത്. സ്കൂള് കെട്ടിടത്തിനോട് ചേര്ന്ന് സൈക്കിള് വെക്കാനായി ഇരുമ്പ് ഷീറ്റ് നിരത്തിയ ഷെഡ് നിര്മ്മിച്ചിരുന്നു. ഈ ഷെഡിന്റെ മുകളിലേക്ക് ചെരുപ്പ് വീണു. ഇത് എടുക്കാനായി കയറിയതായിരുന്നു മിഥുന്. കാല് തെന്നിപ്പോയപ്പോള് മുകളിലൂടെ പോകുന്ന വൈദ്യുതി കമ്പിയില് സ്പര്ശിക്കുകയും ഷോക്കേല്ക്കുകയുമായിരുന്നു. ഉടന് തന്നെ സ്കൂള് അധികൃതര് മിഥുനെ സമീപത്തെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് വിദ്യാഭ്യാസ വകുപ്പ് മന്ത്രി വി ശിവന്കുട്ടി റിപ്പോര്ട്ട് തേടി.