രേണുവിന്റെ ഫോട്ടോഷൂട്ട് ചിത്രങ്ങള്‍ക്കെതിരെ സ്വപ്ന സുരേഷ്

കൊച്ചി: വിധവയായ ഒരേയൊരു സ്ത്രീ രേണു മാത്രമല്ല ദയവായി തങ്ങളുടെ സംസ്‌കാരത്തെ ബഹുമാനിക്കൂ എന്ന് സ്വപ്ന സുരേഷ്. നടന്‍ കൊല്ലം സുധിയുടെ ഭാര്യ രേണുവിന്റെ വിഷു ഫോട്ടോഷൂട്ട് ചിത്രങ്ങളുമായി  ഫേസ്ബുക്കില്‍ പങ്കുവെച്ച കുറിപ്പിനെതിരെയാണ് സ്വപ്ന സുരേഷിന്റെ പ്രതികരണം.

സമൂഹമാദ്ധ്യമങ്ങളില്‍  രേണുവിന്റെ പോസ്റ്റിനെതിരെ നിരവധി പേര്‍ പ്രതികരണം നടത്തിയിരുന്നു.   രേണുവിന്റെ വിഷു ഫോട്ടോഷൂട്ട് ചിത്രങ്ങള്‍ക്കാണ് വലിയ രീതിയിലുള്ള വിമര്‍ശനം ഉയരുന്നത്. അടുത്തിടെ ചില ആല്‍ബങ്ങളിലും റീല്‍സുകളിലുമൊക്കെ രേണു അഭിനയിച്ചിരുന്നു. അവരുടെ ഇഴുകി ചേര്‍ന്നുള്ള അഭിനയവും, വസ്ത്രധാരണവും മുന്‍നിര്‍ത്തിയാണ് ചിലര്‍ മോശം കമന്റുകളുമായെത്തുന്നത്. വ്യാപകമായിട്ടുള്ള സൈബര്‍ ബുള്ളിയിംഗാണ് രേണുവിന് നേരെ അന്നും  ഉണ്ടായത്.

ഫേസ്ബുക്ക് കുറിപ്പിന്റെ വിശദാംശം 

'ഇതാണോ 2025ലെ പുതിയ വിഷു? ദയവായി ഞങ്ങളുടെ സംസ്‌കാരത്തെ ബഹുമാനിക്കണമെന്ന് അഭ്യര്‍ത്ഥിക്കുന്നു. ആണ്‍കുട്ടികള്‍ അങ്ങനെ പറയുന്നു. എന്റെ പൊക്കിള്‍ കാണിച്ചാല്‍ അമ്മ എന്നെ കൊല്ലുമെന്ന്, കഷ്ടം, വിധവയോ വിവാഹമോചിതയോ ആയ ഒരേയൊരു സ്ത്രീ നിങ്ങള്‍ മാത്രമല്ല. നിങ്ങളുടെ മണ്ടത്തരം വില്‍ക്കരുത്. ഭഗവാന്‍ കൃഷ്ണനെ വിചിത്രമായ ചില സൃഷ്ടികള്‍ കൊണ്ട് മാറ്റിസ്ഥാപിക്കാന്‍ കഴിയില്ല, സ്വപ്ന സുരേഷ് ഫെയ്‌സ്ബുക്കില്‍ കുറിച്ചു.