വിദ്യാർത്ഥി കൊണ്ട് വന്ന പെപ്പർ സ്പ്രേ അടിച്ചു പുന്നമൂട് സ്കൂളിലെ അദ്ധ്യാപികക്കും വിദ്യാർത്ഥികൾക്കും ദേഹാസ്വാസ്ഥ്യം

തിരുവനന്തപുരം :പെപ്പർ സ്പ്രേ അടിച്ചതിനെ തുടർന്ന് തിരുവനന്തപുരത്തെ പുന്നമൂട് സ്കൂളിലെ അദ്ധ്യാപികക്കും വിദ്യാർത്ഥികൾക്കും ദേഹാസ്വാസ്ഥ്യം .ഇതേ തുടർന്ന് ഇവരെ ഉടൻതന്നെ തിരുവനന്തപുരം ജനറൽ ആശുപത്രിയിൽ എത്തിച്ചെങ്കിലും പിന്നീട് വിദ്യാർത്ഥികളെ മെഡിക്കൽ കോളജ് ആശുപത്രിയിലേക്ക് മാറ്റി.

സ്കൂളിലെ ഒരു വിദ്യാർത്ഥി കൊണ്ടുവന്ന പെപ്പർ സ്പ്രേ അടിച്ചതാണ് ദേഹാസ്വാസ്ഥ്യത്തിന് കാരണമെന്നാണ് പ്രാഥമിക വിവരം.

 ഏഴ് വിദ്യാർഥികൾക്കും ഒരു അധ്യാപികയ്ക്കുമാണ് ദേഹാസ്വാസ്ഥ്യം ഉണ്ടായത്.റെഡ് കോപ്പ് എന്ന പെപ്പർ സ്പ്രേ ആണ് ഉപയോഗിച്ചതെന്ന് കുട്ടികൾ പറയുന്നു .