കുറച്ചുപേർ ചെയ്യുന്ന തെറ്റിന് സേന ആകെ മോശമാകുന്ന സാഹചര്യം': പൊലീസ് അതിക്രമങ്ങൾക്കെതിരായ പരാതിയിൽ സമ​ഗ്രാന്വഷണം നടത്തണമെന്ന് ഡിജിപി

'
തിരുവനന്തപുരം: പൊലീസ് അതിക്രമങ്ങൾക്കെതിരായ പരാതിയിൽ സമ​ഗ്രാന്വഷണം നടത്തണമെന്ന് ഡിജിപി. നടപടിയെടുക്കാത്ത സംഭവങ്ങളാണെങ്കിൽ അന്വേഷിച്ച് നടപടിയുണ്ടാകണം. കുറച്ചു പേർ ചെയ്യുന്ന തെറ്റായ പ്രവർത്തനത്തിന് സേന മുഴുവൻ മോശമാകുന്ന സാഹചര്യമുണ്ട്. തെറ്റായ ആരോപണങ്ങളും വരുന്നുണ്ട്. എല്ലാം വിശദമായി പരിശോധിച്ച് നടപടിയുണ്ടാകണമെന്നും ഡിജിപി ആവശ്യപ്പെട്ടു. ഉത്തരമേഖല ഉദ്യോഗസ്ഥരുടെ യോഗത്തിലാണ് ഡിജിപിയുടെ നിർദ്ദേശം. തെറ്റ് ചെയ്തവരെ സംരക്ഷിക്കേണ്ട ബാധ്യതയില്ലെന്നും ഡിജിപി പറഞ്ഞു.