മോഹൻ വീണയുടെ മാന്ത്രികനാദം: പദ്മഭൂഷൺ പണ്ഡിറ്റ് വിശ്വമോഹൻ ഭട്ട് രാജഗിരിയിൽ സംഗീത വിരുന്നൊരുക്കി

കൊച്ചി: ലോകപ്രശസ്ത മോഹൻ വീണാ വിദ്വാനും പദ്മഭൂഷൺ ജേതാവുമായ പണ്ഡിറ്റ് വിശ്വമോഹൻ ഭട്ട്, കാക്കനാട്  രാജഗിരി കോളേജ് ഓഫ് സോഷ്യൽ സയൻസസിലെ വിദ്യാർത്ഥികൾക്കും അധ്യാപകർക്കുമായി ശാസ്ത്രീയ സംഗീതക്കച്ചേരി അവതരിപ്പിച്ചു. യുവജനങ്ങളിൽ ഇന്ത്യൻ ശാസ്ത്രീയ സംഗീതത്തിന്റെയും സംസ്കാരത്തിന്റെയും പ്രചാരണത്തിനായി പ്രവർത്തിക്കുന്ന സൊസൈറ്റി ഫോർ ദ പ്രൊമോഷൻ ഓഫ് ഇന്ത്യൻ ക്ലാസിക്കൽ മ്യൂസിക് ആൻഡ് കൾച്ചർ അമംങ്സ്റ്റ് യൂത്തുമായി സഹകരിച്ചാണ് കോളേജ് ഈ അസുലഭ സംഗീതാനുഭവം ഒരുക്കിയത്.