മന്ത്രി നടത്തിയത് പ്രോട്ടോകോള്‍ ലംഘനം ; മന്ത്രി ശിവന്‍കുട്ടിതക്കെതിരെ രാജ്ഭവന്‍

തിരുവനന്തപുരം : വിദ്യാഭ്യാസമന്ത്രി വി ശിവന്‍കുട്ടിക്കെതിരെ രാജ്ഭവന്‍.മന്ത്രി പ്രോട്ടോകോള്‍ ലംഘിച്ചെന്നും,ഗവര്‍ണറെ അപമാനിച്ചെന്നും രാജ്ഭവന്‍ പുറത്തിറക്കിയ വാര്‍ത്താക്കുറിപ്പില്‍ പറയുന്നു.പരിപാടിക്കിടെ ഇറങ്ങിപ്പോയത് അറിയിച്ചില്ല.മന്ത്രി ചെയ്തത് തെറ്റായ കീഴ്വവഴക്കമെന്നും വാര്‍ത്താക്കുറിപ്പിലെ ആരോപണം.മന്ത്രി വി ശിവന്‍കുട്ടി തെറ്റായ മാതൃക സൃഷ്ടിച്ചു.മന്ത്രിയുടെ പെരുമാറ്റത്തെ ആശങ്കയോടെയാണ് കാണുന്നത്.ഭാരതാംബയുടെ ചിത്രം മന്ത്രിക്ക് അറിയില്ല എന്നാണ് പ്രസംഗത്തില്‍ പറഞ്ഞത്.മന്ത്രിയുടെയും ഗവര്‍ണറുടെയും കയ്യില്‍നിന്ന് അവാര്‍ഡ് വാങ്ങിക്കാനായി എത്തിയ അച്ചടക്കത്തോടെ പ്രവര്‍ത്തിക്കുന്ന സ്‌കൗട്ട് ആന്റ് ഗൈഡ് കുട്ടികളുടെ മുന്നില്‍ വെച്ചായിരുന്നു ഇങ്ങനെ പറഞ്ഞത്.ഇത് വിദ്യാര്‍ത്ഥികളെ അപമാനിക്കുന്നതിന്
തുല്യമായിരുന്നുവെന്നും വാര്‍ത്താക്കുറിപ്പില്‍ പറയുന്നു.