സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലെ അധ്യക്ഷസ്ഥാനത്തേക്കുള്ള സംവരണം നിശ്ചയിച്ച് സംസ്ഥാന തെരഞ്ഞെടുപ്പു കമ്മിഷന്‍ വിജ്ഞാപനമിറക്കി

തിരുവനന്തപുരം: സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലെ അധ്യക്ഷസ്ഥാനത്തേക്കുള്ള സംവരണം നിശ്ചയിച്ച് സംസ്ഥാന തെരഞ്ഞെടുപ്പു കമ്മിഷൻ വിജ്ഞാപനമിറക്കി.

തിരുവനന്തപുരം, കൊല്ലം, പത്തനംതിട്ട, ഇടുക്കി, തൃശ്ശൂർ, കോഴിക്കോട്, വയനാട് ജില്ലാപഞ്ചായത്തുകളിൽ സ്ത്രീകൾ പ്രസിഡന്റാകും. എറണാകുളം പട്ടികജാതിക്കായും സംവരണംചെയ്തു.

കൊച്ചി, തൃശ്ശൂർ, കണ്ണൂർ കോർപ്പറേഷനുകളിൽ വനിതാ മേയർമാർ വരും.87 മുനിസിപ്പൽ കൗൺസിലുകളിൽ സ്ത്രീകൾക്ക് 44 എണ്ണവും (പട്ടികജാതി സ്ത്രീകൾ ഉൾപ്പെടെ) പട്ടികജാതി വിഭാഗത്തിൽപെട്ടവർക്ക് ആറും അതിൽ മൂന്നെണ്ണം പട്ടികജാതി വിഭാഗത്തിലെ സ്ത്രീകൾക്കും ഒരെണ്ണം പട്ടികവർഗത്തിനും സംവരണംചെയ്തു.

941 പഞ്ചായത്തുകളിൽ 417-ൽ വനിതാ പ്രസിഡന്റുമാർ വരും. പട്ടികജാതി സ്ത്രീ 46, പട്ടികജാതി 46, പട്ടികവർഗ സ്ത്രീ എട്ട്, പട്ടികവർഗം എട്ട് എന്നിങ്ങനെയും അധ്യക്ഷസ്ഥാനം സംവരണംചെയ്തിട്ടുണ്ട്.

 152 ബ്ലോക്ക് പഞ്ചായത്തുകളിൽ സ്ത്രീകൾക്കായി 67 അധ്യക്ഷസ്ഥാനം സംവരണംചെയ്തു.

പട്ടികജാതി സ്ത്രീ-എട്ട്, പട്ടികജാതി-ഏഴ്, പട്ടികവർഗ സ്ത്രീ-രണ്ട്, പട്ടികവർഗം-ഒന്ന് എന്നിങ്ങനെയാണ്.