വടക്കാഞ്ചേരി നഗരസഭയില്‍ ഫ്‌ലാഗ് ഓഫ് ചെയ്തതിന് തൊട്ടുപിന്നാലെ വാഹനം നേരെ പുഴയിലേക്ക് മറിഞ്ഞു

തൃശൂർ :വടക്കാഞ്ചേരി നഗരസഭയിൽ ഫ്ലാഗ് ഓഫ് ചെയ്തതിനുപിന്നാലെ പുനരുപയോഗിക്കാവുന്ന സാധന സാമഗ്രികള്‍ കൈമാറ്റം ചെയ്യുന്ന നഗരസഭയുടെ കടയുടെ ആവശ്യങ്ങള്‍ക്കായി വാങ്ങിയ വാഹനം പുഴയിലേക്ക് മറിഞ്ഞു .

വാഹനത്തിൽ ഉണ്ടായിരുന്ന സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ അരവിന്ദാക്ഷനും ഡ്രൈവര്‍ ബിന്ദുവും അത്ഭുതകരമായി രക്ഷപ്പെട്ടു.

വടക്കാഞ്ചേരി നഗരസഭ ചെയര്‍പേഴ്സണ്‍ പിഎന്‍ സുരേന്ദ്രന്‍ വണ്ടി ഫ്‌ലാഗ് ഓഫ് ചെയ്തത്തിനു പിന്നാലെ  വാഹനം മുന്നോട്ടു എടുത്തപ്പോള്‍ നിയന്ത്രണം നഷ്ടപ്പെട്ട് പുഴയിലേക്ക് വീഴുകയായിരുന്നു.

സംഭവം കണ്ടുനിന്നവർ ആകെ അമ്പരന്നു .

വാഹനത്തിന്റെ മുൻവശത്ത്‌ ആരും ഇല്ലാതിരുന്നതിനാൽ വലിയ അപകടം തന്നെയാണ് ഒഴിവായത് .വാഹനം പിന്നീട ഫയർഫോഴ്സ് എത്തി കരയ്ക്കു കയറ്റി .